სემიუელ ლეროი ჯექსონი

სამუელ ლეროი ჯექსონი (ინგლ. Samuel L. Jackson დ. 21 დეკემბერი, 1948) — ოსკარის ნომინანტი და BAFTA-ს გამარჯვებული ამერიკელი მსახიობი.

სამუელ ლეროი ჯექსონი
სემიუელ ლეროი ჯექსონი 2019 წელს
დაბადების სახელი	სამუელ ლეროი ჯექსონი
დაბადების თარიღი	21 დეკემბერი, 1948 (1948-12-21) ვაშინგტონი,  აშშ
აქტიური	1972–დღემდე
მეუღლე(ები)	ლატანია რიჩარდსონი (1980-დღემდე)
BAFTA	საუკეთესო მსახიობი კაცი მეორეხარისხოვან როლში 1994 — მაკულატურა
სხვა ჯილდოები	ვერცხლის დათვი საუკეთესო მსახიობი კაცისთვის 1997 — ჯეკი ბრაუნი
საიტი	ოფიციალური საიტი

ბიოგრაფია

ცხოვრების ადრეული წლები

სემიუელ ლ. ჯექსონი დაიბადა 1948 წლის 21 დეკემბერს, ვაშინგტონში. იგი გაიზარდა ჩატანუგაში, ტენესი, დედამის, ელიზაბეტ ჯექსონთან ერთად. მამამისი ცხოვრობდა კანსასაში, მისური, შემდეგ კი გარდაიცვალა. მიზეზი ალკოჰოლი იყო. ჯექსონი მხოლოდ რამდენიმეჯერ შეხვდა მამამისს. იგი დადიოდა Riverside High-ში (ამჟამად Chattanooga School for the Arts and Sciences). ამის შემდეგ იგი მივიდა Morehouse College-ში, ატლანტა, ჯორჯიის შტატი.

კარიერა

ჯექსონმა კარიერა დაიწყო 1972 წელს, ფილმში „Together for Days“. ამ დაწყებითი როლის შემდეგ, მან გადაწყვიტა წასულიყო საცხოვრებლად ნიუ-იორკში, რამაც მას წარმატება მოუტანა. 1981 წელს, მან შეასრულა უმნიშვნელო როლი ფილმში „რეგთაიმი“. შემდეგი 6 წელი, ჯექსონისთვის წარუმატებელი გამოდგა. 1987 წელს, მან მიიღო მონაწილეობა ფილმში „ნამდვილი ედი მერფი“, ხოლო 1988 წელს, ფილმში „ამერიკაში დაბრუნება“. 1981 წელს, ჯექსონმა გაიცნო სპაიკ ლი და 1988 წელს ითამაშა მის ფილმში „School Daze“. ამას მოყვა ფილმები: „სიყვარულის ზღვა“ (1989),დიდებული ბიჭები (1990), „ბლუზი უკეთეს ცხოვრებაზე“ (1990) და „ცდუნება“ (1990). სპაიკ ლის დახმარებით ასევე მან ითამაშა ფილმში „ჯუნგლების ციებ–ცხელება“.

ჯექსონის წარმატება შეიმჩნევა 1990-93 წლებში. მან ითამაშა ბევრ წარმატებულ ფილმში: „მხოლოდ ბიზნესი“ (1991), „ავტორიტეტი“ (1992) ტუპაკ შაკურთან ერთად, „პატრიოტული თამაშები“ (1992), „დატენილი იარაღი 1“ (1993) „ამოსი და ენდრიუ“ (1993) და „იურული პარკი“ (1993).

1994 წელს მას დაუკავშირდა კვენტინ ტარანტინო და ფილმ „მაკულატურაში“ ჯულს ვინფილდის როლი შესთავაზა. ჯექსონისთვის მოულოდნელობა იყო ის, რომ ეს როლი სპეციალურად მისთვის დაიწერა. ფილმში მონაწილეობდა ბევრი ცნობილი ვარსკვალი: ჯონ ტრავოლტა, უმა თურმანი, ბრიუს უილისი და სხვები. მიუხედავად იმისა, რომ ეს ფილმი ჯექსონისთვის 30-ე იყო, სწორედ ამ როლმა მოუტანა მას საერთაშორი ოაღიარება. მიუხედავად იმისა, რომ ჯექსონი და ტრავოლტა თანაბარი დროის მანძილზე ჩნდებიან ფილმში, სტუდია „მირამაქსმა“ ტრავოლტა წარადგინა ოსკარზე როგორც მთავარი როლის, ხოლო ჯექსონი, როგორც მეორეხარისხოვანი როლის შემსრულებელი. ამავე კატეგორიაში წარადგინეს ჯექსონი ოქროს გლობუსისა და BAFTA-ს დაჯილდოებებზე. მსახიობმა მხოლოდ ეს უკანასკნელი მოიგო.

1995-1997 წლებში მან მიიღო მონაწილეობა ფილმებში: „სიკვდილის კოცნა“, „კერკეტი კაკალი 3“, „დიდი თეთრი ტყუილი“, „დროა მოკვლის“, „ხანგრძლივი კოცნა ძილის წინ“, „საბედისწერო რვიანი“, „ერთი რვა შვიდი“, „ევას თავშესაფარი“ და „ჯეკი ბრაუნი“. ამ უკანასკნელისთვის მიიღო ბერლინალეს ვერცხლის დათვი საუკეთესო მსახიობი კაცისთვის და ოქროს გლობუსის მესამე ნომინაცია. ამ წლებში მან მიაღწია წარმატების უმაღლეს მწვერვალს. 1998 წელს, ჯექსონი მთავარ როლს თამაშობს ფილმში „მომლაპარაკებელი“, ამ წელსვე მან ითამაშა ფილმში „წითელი ვიოლინო“, რაც საკმაოდ წარმატებული გადმოდგა მისთვის.

1999 წელს, ჯექსონმა ითამაშა ფილმში „ვარსკვლავური ომები, ეპიზოდი I: ფარული საფრთხე“. რასაც მოყვა ფილმის გაგრძელება 2002 წელს „ვარსკვლავური ომები, ეპიზოდი II: კლონების შეტევა“ და 2005 წელს „ვარსკვლავური ომები, ეპიზოდი III: სითების შეტევა“. ჯექსონმა ითამაშა ისეთ წარმატებულ ფილმებში როგორევიცაა: „უვნებელი“ (2000), „ბრძოლის წესები“ (2000), „ადამიანი გამოქვაბულიდან“ (2001), „სამი იქსი“ (2002), „ფორმულა 51“ (2002), „ბაზა“ (2003), „სპეცრაზმი“ (2003), „ჩემს ქვეყანაში“ (2004), „სუპეროჯახი“ (2004), „მოკალი ბილი, ტომი 2“ (2004), „კაცი“ (2005), „სამი იქსი 2“ (2005), „მწვრთნელი კარტერი“ (2005), „სიმამაცის სახლი“ (2006), გველები თვითმფრინავზე (2006), „ჩემპიონის დაბრუნება“ (2007), 1408 (2007), „შავი გველის კვნესა“ (2007) „მწმენდავი“ (2007), „რკინის კაცი“ (2008).

2012 წელს ჯექსონმა კლავ ითანამშრომლა კვენტინ ტარანტინოსთან და მონაწილეობა მიიღო ტარანტინოს უკანასკნელ ფილმში „ჯანგო გათავისუფლებული“. ჯექსონმა შეასრულა სტეფენის როლი, შავკანიანი მსახურისა, რომელიც მონობისა და რასიზმის დამცველად გამოდის.

პირადი ცხოვრება

ჯექსონი დაქორწინდა ამერიკელ მსახიობ, ლატანია რიჩარდსონთან 1980 წელს. წყვილს, რომელიც ცხოვრობს ლოს-ანჯელესში ჰყავს ქალიშვილი, ზოი. იგი დაიბადა 1982 წელს და სწავლობს კულინარიის სკოლაში.

სამუელ ლ. ჯექსონი ფილმში „მაკულატურა“

ფილმოგრაფია

წელი		ქართულად	მშობლიური სახელწოდება	როლი
1972	ფ	Together for Days	Together for Days	სტენი
1981	ფ	რეგთაიმი	Ragtime	ბანდის წევრი
1987	ფ	ნამდვილი ედი მერფი	Eddie Murphy Raw	ედის ბიძა
1988	ფ	ამერიკაში დაბრუნება	Coming to America	კაცი
1988	ფ	School Daze	School Daze	ლიდსი
1989	ფ	სიყვარულის ზღვა	Sea of Love	შავი ბიჭი
1990	ფ	დიდებული ბიჭები	Goodfellas	პარნელ სტივენ ედვარდსი
1990	ფ	ბლუზი უკეთეს ცხოვრებაზე	Mo' Better Blues	მედლოკი
1990	ფ	ცდუნება	Def by Temptation	მინისტრი გართი
1991	ფ	ჯუნგლების ციებ–ცხელება	Jungle Fever	გეიტორ პურიფი
1991	ფ	მხოლოდ ბიზნესი	Strictly Business	მონრო
1992	ფ	ავტორიტეტი	Juice	ტრიპი
1992	ფ	პატრიოტული თამაშები	Patriot Games	რობი ჯექსონი
1993	ფ	დატენილი იარაღი 1	Loaded Weapon 1	სერჟანტი ვეს ლუგერი
1993	ფ	ამოსი და ენდრიუ	Amos & Andrew	ენდრიუ სტერლინგი
1993	ფ	იურული პარკი	Jurassic Park	ჯონ რეინოლდ არმონდი
1994	ფ	მაკულატურა	Pulp Fiction	ჯულს ვინფილდი
1995	ფ	სიკვდილის კოცნა	Kiss of Death	კელვინ ჰარტი
1995	ფ	კერკეტი კაკალი 3	Die Hard with a Vengeance	ზეუს კარვერი
1996	ფ	დიდი ტეთრი ტყუილი	The Great White Hype	ფრედ სულთანი
1996	ფ	მოკვლის დროა	A Time to Kill	კარლ ლი ჰეილი
1996	ფ	ხანგრძლივი კოცნა ძილის წინ	The Long Kiss Goodnight	მიჩ ჰენესი
1996	ფ	საბედისწერო რვიანი	Hard Eight	ჯიმი
1997	ფ	ერთი რვა შვიდი	One Eight Seven	ტრევორ გარფილდი
1997	ფ	ევას თავშესაფარი	Eve's Bayou	ლუიზ ბატისტი
1997	ფ	ჯეკი ბრაუნი	Jackie Brown	ორდელ რობი
1998	ფ	მომლაპარაკებელი	The Negotiator	დენი რომანი
1998	ფ	წითელი ვიოლინო	The Red Violin	ჩარლზ მორიცი
1999	ფ	ვარსკვლავური ომები, ეპიზოდი I: ფარული საფრთხე	Star Wars Episode I: The Phantom Menace	მეის ვინდუ
2000	ფ	უვნებელი	Unbreakable	ელია პრაისი
2000	ფ	ბრძოლის წესები	Rules of Engagement	ტერი ჩილდერსი
2001	ფ	ადამიანი გამოქვაბულიდან	The Caveman's Valentine	რომულუს ლედბეტერი
2002	ფ	სამი იქსი	xXx	აგენტი ავგუსტუს გიბონსი
2002	ფ	ფორმულა 51	The 51st State	ელმო მაკელროი
2002	ფ	ვარსკვლავური ომები, ეპიზოდი II: კლონების შეტევა	Star Wars Episode II: Attack of the Clones	მეის ვინდუ
2003	ფ	ბაზა	Basic	სერჟანტი ნათან ვესტი
2003	ფ	სპეცრაზმი	S.W.A.T.	დენ ჰარელსონი
2004	ფ	ჩემს ქვეყანაში	In My Country	ლენგსტონ უიტფელდი
2004	ანფ	სუპეროჯახი	The Incredibles	ლუციუს ბესტი
2004	ფ	ამნეზია	Twisted	ჯონ მილზი
2004	ფ	მოკალი ბილი, ტომი 2	Kill Bill Volume 2	რუფუსი
2005	ფ	კაცი	The Man	დერიკ ვანი
2005	ფ	სამი იქსი 2	xXx: State of the Union	აგენტი ავგუსტუს გიბონსი
2005	ფ	მწვრთნელი კარტერი	Coach Carter	კენ კარტერი
2005	ფ	ვარსკვლავური ომები, ეპიზოდი III: სითების შურისძიება	Star Wars Episode III: Revenge of the Sith	მეის ვინდუ
2006	ფ	სიმამაცის სახლი	Home of the Brave	დოქტორი უილ მარში
2006	ფ	გველები თვითმფრინავზე	Snakes on a Plane	ნევილ ფლინი
2007	ფ	ჩემპიონის დაბრუნება	Resurrecting the Champ	ბობ სატერფილდი
2007	ფ	1408	1408	ჯერალდ ოლინი
2007	ფ	შავი გველის კვნესა	Black Snake Moan	ლაზარუს ვუდსი
2007	ფ	მწმენდავი	Cleaner	ტომ კატლერი
2008	ფ	რკინის კაცი	Iron Man	ნიკ ფური
2009	ფ	უსახელო ნაბიჭვრები	Inglourious Basterds	ხმა კადრს მიღმა
2009	ფ	დედა და შვილი	Mother and Child	პოლი
2010	ფ	რკინის კაცი 2	Iron Man 2	ნიკ ფური
2012	ფ	ჯანგო გათავისუფლებული	Django Unchained	სტეფენი
2012	ფ	შურისმაძიებლები	The Avengers	ნიკ ფური
2014	ფ	რობოტი-პოლიციელი	RoboCop	პატრიკ ნოვაკი
2014	ფ	კაპიტანი ამერიკა: ზამთრის ჯარისკაცი	Captain America: The Winter Soldier	ნიკ ფური
2015	ფ	კინგზმენი: საიდუმლო სამსახური	Kingsman: The Secret Service	რიჩმონდ ვალენტინი
2017	ფ	კონგი: თავის ქალის კუნძული	Kong: Skull Island	პრესტონ პაკარდი

რესურსები ინტერნეტში

ვიკისაწყობში არის გვერდი თემაზე:

სემიუელ ლეროი ჯექსონი

• სემიუელ ლეროი ჯექსონი კინოფილმების ინტერნეტ-მონაცემთა ბაზაში
• ოფიციალური საიტი