საქართველოს მართლმადიდებელი ეკლესიის მესამე ადგილობრივი კრება
საქართველოს მართლმადიდებელი ეკლესიის მესამე ადგილობრივი კრება — შედგა გელათში, 1921 წლის 1-5 სექტემბერს და ესწრებოდა 119 დელეგატი. კრების მიზანი იყო საქართველოს კათოლიკოს-პატრიარქის არჩევნები. პატრიარქის საყდრისთვის ორი კანდიდატურა იყო წარმოდგენილი მიტროპოლიტები ამბროსი (ხელაია) და ნაზარი ლეჟავა. თავდაპირველად არჩევნები ბარათებით წარიმართა იმ მოტივით რომ დამარცხებული თავის კანდიდატურას მოხსნიდა, შესაბამისად ამბროსი ხელაიამ სამოცზე მეტი ხმა მიიღო, ნაზარი ლეჟავამ ორმოცდაათი. შედეგებთან შეუთანხმებლობის გამო გადაწყდა კენჭისყრის ჩატარება, რომლის მიხედვითაც ამბროსიმ 67 თეთრი და 41 შავი კენჭი მიიღო, ნაზარიმ კი 54 თეთრი და ამდენივე შავი.
 | |
| თარიღი | 1 სექტემბერი-5 სექტემბერი, 1921 |
|---|---|
| წინა კრება | საქართველოს მართლმადიდებელი ეკლესიის მეორე ადგილობრივი კრება |
| შემდეგი კრება | საქართველოს მართლმადიდებელი ეკლესიის მეოთხე ადგილობრივი კრება |
| ესწრებოდა | 119 დელეგატი |
| საკითხები | საქართველოს კათოლიკოს-პატრიარქის არჩევნები |
კენჭისყრის შედეგებიდან გამომდინარე სრულიად საქართველოს კათოლიკოს-პატრიარქად აირჩია მიტროპოლიტი ამბროსი. ცხუმ–აფხაზეთის ეპისკოპოსად დაადგინეს იოანე (მარღიშვილი), არჩეულ იქნა საკათალიკოზო საბჭოს ახალი შემადგენლობა.
ლიტერატურა
რედაქტირება- „საქართველოს ეკლესიის კალენდარი“, თბ., 1976, გვ. 110-111
- თალაკვაძე ნ., „მოქალაქე მღვდლის დღიურიდან“, თბილისი: ლიტერატურის მუზეუმი, 2013. — გვ. 127-136, ISBN 978-99940-28-77-1.
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „საქართველოს მართლმადიდებელი ეკლესიის მესამე ადგილობრივი კრება“ ვიკისაწყობში.- ამბროსი ხელაიას აღსაყდრება დაარქივებული 2020-10-24 საიტზე Wayback Machine.
