საილიუგემის ქედი
საილიუგემის ქედი (რუს. Сайлюгем) — ქედი სამხრეთ-აღმოსავლეთ ალთაიში. ადმინისტრაციულად გაწოლილია რუსეთის ალთაის რესპუბლიკისა და მონღოლეთის საზღვარზე. სიგრძე დაახლოებით 130 კმ, სიმაღლე 3500 მ-მდე. უმაღლესი წერტილის სიმაღლეა 3502 მ (მთა სარი-ნოხოიტი). ბევრია უღელტეხილი. არგუთისა და ჩუიის (მდინარე ობის აუზი) სათავეებისა და მდინარე კობდოს აუზის წყალგამყოფია. კლიმატი მკვეთრად კონტინენტურია. აგებულია კირქვიანი ქვიშაქვებით, თიხაფიქლებით, ლავებითა და ტუფებით. მაღალმთიანეთში გაბატონებულია მღიერიანი და ქვის ტუნდრა, სამხრეთ კალთებზე, 2600 მ ქვემოთ გვხვდება მთის წაბლა ნიადაგებზე განვითარებული სტეპის მცენარეულობა.
| საილიუგემის ქედი | |
|---|---|
| კოორდინატები: 49°27′28″ ჩ. გ. 88°48′49″ ა. გ. / 49.45778° ჩ. გ. 88.81361° ა. გ. | |
| ქვეყანა |  რუსეთი მონღოლეთი
|
| ტერიტორიული ერთეული | ალთაის რესპუბლიკა ტუვე |
| უმაღლესი წერტილი | სარი-ნოხოიტი |
| სიმაღლე | 3502 მ |
| სიგრძე | 130 კმ |
  | |
რესურსები ინტერნეტში
რედაქტირება- საილიუგემის ქედი — სტატია დიდი საბჭოთა ენციკლოპედიიდან (რუსული)