საგველიანი ხახვი (ლათ.Allium paniculatum) — მრავალწლოვანიბალახოვანი მცენარეამარილისისებრთაოჯახისა. ბოლქვს მომრგვალო-კვერცხისებური ფორმა აქვს. ღერო სიმაღლეში 15–30 სმ-ია. ფოთოლი 3–4 ცალია, ვიწროხაზური, თითქმის კიდეებდახვეული; ყვავილედი მრავალყვავილიანია. გვირგვინი ფერად მოთეთრო, მოვარდისფრო ან მეწამულია, ვარდისფერი ძარღვებით, პრიალა. ყვავის და ნაყოფს იძლევა ივნის-აგვისტოში. გავრცელებულია მთელ კავკასიასა და მცირე აზიის აღმოსავლეთ ნაწილში, კავკასიის ეკორეგიონის ენდემია. საქართველოში გვხვდება აჭარაში, აფხაზეთსა და თითქმის მთელ აღმოსავლეთ და სამხრეთ საქართველოში. იზრდება მთის შუა სარტყლის ქვიან და ღორღიან ადგილებში, ბუჩქნარებში, ველებზე.[1]
