როკის უღელტეხილი
უღელტეხილი საქართველოსა და რუსეთის საზღვარზე, შიდა ქართლის მხარეში და ჩრდილოეთ ოსეთში
როკის უღელტეხილი — უღელტეხილი საქართველოსა და რუსეთის (ჩრდილოეთი ოსეთი) საზღვარზე, შიდა ქართლის მხარეში, ჯავის მუნიციპალიტეტში. მდებარეობს მაღრან-დვალეთის კავკასიონის მთავარ ქედზე. სიმაღლე ზღვის დონიდან 2995 მ. მიდამო აგებულია იურული თიხაფიქლებითა და ქვიშაქვებით. დამახასიათებელია ალპური ლანდშაფტი. დიდი ლიახვის მარჯვენა შენაკადის — მდინარე როკისწყლის ხეობით შიდა ქართლს აკავშირებს მდინარე არდონის ხეობასთან ანუ ჩრდილოეთ ოსეთთან. 1984 წელს როკის უღელტეხილზე გაიხსნა როკის სატრანსპორტო გვირაბი, რომლის საერთო სიგრძეა 3730 მ.
| როკის უღელტეხილი | |
|---|---|
| |
| კოორდინატები: 42°36′42″ ჩ. გ. 44°08′06″ ა. გ. / 42.61167° ჩ. გ. 44.13500° ა. გ. | |
| ქვეყანა |  საქართველო რუსეთი
|
| ტერიტორიული ერთეული | შიდა ქართლის მხარე ჩრდილოეთი ოსეთი |
| სიმაღლე | 2995 მ |
| ქედი | მაღრან-დვალეთის კავკასიონი |
| ამგებელი ქანები | იურული თიხაფიქალი და ქვიშაქვა |
| ლანდშაფტი | ალპური |
  | |
 | |
 სურათები ვიკისაწყობში
| |
ლიტერატურა
რედაქტირება- უკლება დ., ქართული საბჭოთა ენციკლოპედია, ტ. 8, თბ., 1984. — გვ. 424.