რგოლიანი სატაცური

რგოლიანი სატაცური (ლათ. Asparagus verticillatus) — მრავალწლოვანი ბალახოვანი მცენარე სატაცურისებრთა ოჯახისა. იზრდება 2 მეტრამდე სიმაღლის. აქვს სუსტი, მცოცავი ან მხოხავი ღერო. ძლიერ დატოტვილია. კლადოდიუმები აშკარად სამწახნაგოვანია, მთავარ ღეროზე მრავალი კლადოდიუმია, 20 ცალი ერთად, ხოლო ტოტებზე — 3–6 ერთად. აქვს ქერცლოვანი ფოთლები. მოკლეყუნწიანი და გვერდითი ტოტების კენწეროებზე განლაგებული ყვავილები. ნაყოფი კენკრაა, ფერად წითელი. ყვავის და ნაყოფმსხმოიარობს მაის-ივლისში. ფართოდ გავრცელებული მცენარეა. გვხვდება აღმოსავლეთ და სამხრეთ-აღმოსავლეთ ევროპაში, დასავლეთ და შუა აზიაში, მთელ კავკასიაში. საქართველოში აღნიშნულია მთელ ტერიტორიაზე. იზრდება ქვიან და მშრალ ადგილებში, ბუჩქნარებში — დაბლობიდან მთის შუა სარტყლამდე.

რგოლიანი სატაცური
მეცნიერული კლასიფიკაცია
სამეფო:  მცენარეები განყოფილება:  ყვავილოვანი მცენარეები კლასი:  ერთლებნიანები რიგი:  სატაცურისნაირნი ოჯახი:  სატაცურისებრნი გვარი:  სატაცური სახეობა:  რგოლიანი სატაცური
ლათინური სახელი
Asparagus verticillatus L., 1762
სინონიმები
Asparagus verticillaris Lam., 1783 Asparagus tricarinatus K.Koch, 1849 Asparagus buxbaumius Gueldenst. ex Ledeb., 1852 Asparagus scandens Gueldenst. ex Ledeb., 1852, nom. illeg. Asparagus verticillatus var. floribundus Baker, 1875 Asparagus verticillatus subsp. floribundus (Baker) K.Richt., 1890
დაცვის სტატუსი
ყველაზე ნაკლები საფრთხის ქვეშ IUCN 3.1 Least Concern : 176392
სისტემატიკა ვიკისახეობებში სურათები ვიკისაწყობში NCBI   272865 EOL   345347 IPNI   531379-1 TPL   kew-275358