პერანგა (მესხეთის ქედი)

პერანგა — მთა საქართველოში, აჭარის ავტონომიურ რესპუბლიკაში, შუახევის მუნიციპალიტეტში. მდებარეობს მესხეთის ქედზე, მდინარე კინტრიშის მარცხენა შენაკადის — მაღალასხევისღელეს სათავეებში. სიმაღლე ზღვის დონიდან 2235 მ. აგებულია პალეოგენური ტუფ-ბრექჩიებით, ტუფ-ქვიშაქვებით, ტუფ-კონგლომერატებითა და ანდეზიტებით. კალთები ციცაბოა, შემოსილია ფართოფოთლოვანი ტყით, წვერზე სუბალპური მდელოა.

პერანგა
კოორდინატები: 41°42′12″ ჩ. გ. 42°07′49″ ა. გ.
ქვეყანა	საქართველო
ტერიტორიული ერთეული	შუახევის მუნიციპალიტეტი
სიმაღლე	2235 მ
ქედი	მესხეთის ქედი
ამგებელი ქანები	ტუფ-ბრექჩია, ტუფ-ქვიშაქვა, ტუფ-კონგლომერატი და ანდეზიტი

ლიტერატურა

• უკლება დ., ქართული საბჭოთა ენციკლოპედია, ტ. 8, თბ., 1984. — გვ. 21.