ოთარ შამუგია
ოთარ შამუგია (დ. 30 მაისი, 1976, სოხუმი)[1] — ქართველი ეკონომისტი. საქართველოს გარემოს დაცვისა და სოფლის მეურნეობის მინისტრი 2022 წლის 9 თებერვლიდან.
| ოთარ შამუგია | |
  | |
|---|---|
| ამჟამინდელი თანამდებობა | |
| დაიკავა | 9 თებერვალი, 2022 |
| პრეზიდენტი | სალომე ზურაბიშვილი |
| პრემიერ-მინისტრი | ირაკლი ღარიბაშვილი ირაკლი კობახიძე |
| წინამორბედი | ლევან დავითაშვილი |
| დაბადებული | 30 მაისი, 1976 სოხუმი, აფხაზეთის ასსრ, საქართველოს სსრ, სსრკ |
| მოქალაქეობა | საქართველო |
| ეროვნება | ქართველი |
| შვილები | 3 შვილი |
| განათლება | თბილისის სახელმწიფო უნივერსიტეტის სოხუმის ფილიალი |
| პროფესია | ეკონომისტი |
ბიოგრაფია რედაქტირება
1992 წლის სექტემბრიდან 1998 წლის ივნისამდე სწავლობდა ივანე ჯავახიშვილის სახელობის თბილისის სახელმწიფო უნივერსიტეტის სოხუმის ფილიალში (მაგისტრთან გათანაბრებული).
1998–1999 წლებში იყო საქართველოს მიწის მართვის სახელმწიფო დეპარტამენტის მთავარი სპეციალისტი. 1999–2004 წლებში — ამავე დაწესებულების ცენტრალური ბუღალტერიის უფროსი (მთავარი ბუღალტერი). 2004–2005 წლებში — შპს „საქართველოს რკინიგზის“ ქონების მართვის სამსახურის უფროსი. 2005–2006 წლებში შპს „საკონსულტაციო ჯგუფის“ ფინანსური დირექტორი. 2006 წლის თებერვლიდან ივლისამდე — შპს „რეალ ქონსალტინგის“ ფინანსური დირექტორი. 2006–2007 წლებში — საქართველოს სოფლის მეურნეობის სამინისტროს საბუღალტრო სამსახურის უფროსი (მთავარი ბუღალტერი). 2007–2011 წლებში — ამავე სამინისტროს საფინასო-საბუღალტრო სამსახურის უფროსი. 2011–2017 წლებში — საქართველოს სოფლის მეურნეობის სამინისტრო საფინანსო-ეკონომიკური დეპარტამენტის უფროსის მოვალეობის შემსრულებელი. 2017 წლის იანვრიდან ივნისამდე — საქართველოს სოფლის მეურნეობის სამინისტროს საფინანსო-ეკონომიკური დეპარტამენტის უფროსი. 2017–2018 წლებში — სოფლის მეურნეობის პროექტების მართვის სააგენტოს დირექტორის მოადგილე. 2018–2019 წლებში — საქართველოს მელიორაციის გენერალური დირექტორი. 2019 წლის აგვისტოდან ნოემბრამდე — სოფლისა და სოფლის მეურნეობის განვითარების სააგენტოს დირექტორი. 2019–2020 წლებში — სოფლის განვითარების სააგენტოს დირექტორის პირველი მოადგილე.
2020 წლის 25 დეკემბრიდან 2022 წლის 9 თებერვლამდე იყო საქართველოს გარემოს დაცვისა და სოფლის მეურნეობის მინისტრის მოადგილე. 2022 წლის 9 თებერვალს დაინიშნა საქართველოს გარემოს დაცვისა და სოფლის მეურნეობის მინისტრად.[2]
ქართულის გარდა, ფლობს რუსულ ენას. ჰყავს მეუღლე და სამი შვილი.
რესურსები ინტერნეტში რედაქტირება
- ოთარ შამუგია — საქართველოს ბიოგრაფიული ლექსიკონი
- ოთარ შამუგია — გარემოს დაცვისა და სოფლის მეურნეობის სამინისტროს საიტი
სქოლიო რედაქტირება
- ↑ თანამდებობის პირის ქონებრივი მდგომარეობის დეკლარაცია: ოთარ შამუგია. declaration.gov.ge (27 მაისი, 2020). დაარქივებულია ორიგინალიდან — 09.02.2022. ციტირების თარიღი: 9 თებერვალი, 2022
- ↑ „მინისტრთა კაბინეტში ცვლილებებია“. Civil.ge. 9 თებერვალი, 2022. ციტირების თარიღი: 9 თებერვალი, 2022. შეამოწმეთ თარიღის პარამეტრი
|access-date=და|date=-ში (დახმარება)