ოთარ მიხეილის ძე ქორქია (დ. 10 მაისი, 1923, ქუთაისი — გ. 15 მარტი, 2005, თბილისი) — ქართველი კალათბურთელი (190 სმ). სსრკ (1950) და საქართველოს სპორტის დამსახურებული ოსტატი, სსრკ დამსახურებული მწვრთნელი (1967). სკკპ წევრი 1953 წლიდან. 1961 წელს დაამთავრა საქართველოს ფიზკულტურის ინსტიტუტი.[1] იყო სსრკ ნაკრების წევრი (1947–1955) და მისი კაპიტანი (1953–1955). 1952 წლის ჰელსინკის ოლიმპიური თამაშების მეორე პრიზიორი,[2] ევროპის სამგზის ჩემპიონი (1947, 1951, 1953) და მესამე პრიზიორი (1955), სსრკ სამგზის ჩემპიონი (1950, 1953, 1954), მეორე (1947) და ორგზის მესამე (1948, 1952) პრიზიორი, სსრკ თასის ორგზის მფლობელი (1949, 1950), სსრკ ჩემპიონატის საუკეთესო მოთამაშე (1952), სტუდენტთა მსოფლიო თამაშების ორგზის (1949, 1951), ახალგაზრდობის I საერთაშორისო მეგობრული სპორტული თამაშების (1953) ჩემპიონი. სსრკ ახალგაზრდული ნაკრების (1958-1962), თბილისის „დინამოს“ (1962–1967), კამბოჯის ქალთა და კაცთა ეროვნული გუნდების (1968-1970) მთავარი მწვრთნელი.[3] თამაში დაიწყო ქუთაისის „დინამოში“, (1943), 1946 წლიდან გადავიდა თბილისის „დინამოში“. 1962 წელს ოთარ ქორქიას ხელმძღვნაელობით თბილისის „დინამო“ გახდა ევროპის ჩემპიონთა თასის მფლობელი. ითვლებოდა სსრკ და ევროპის ერთ-ერთ საუკეთესო ცენტრალურ თავდამსხმელად. წლების მანძილზე სსრკ ნაკრების ყველაზე შედეგიანი კალათბურთელი იყო. დაჯილდოებულია ლენინის ორდენითა და მედლებით. ვახტანგ გორგასლის III ხარისხის და ღირსების ორდენების კავალერი.

ოთარ ქორქია

ოთარ ქორქია
ცენტრალური თავდამსხმელი
პირადი ინფორმაცია
დაიბადა 10 მაისი 1923
ქუთაისი, საქართველოს სსრ, სსრკ
ეროვნება ქართველი
გარდაიცვალა 15 მარტი, 2005 (81 წლის)
თბილისი, საქართველო
სიმაღლე 190 სმ

ძირითადი შედეგებირედაქტირება

დისციპლინა ადგილმდებარეობა ტურნირი ადგილი
კალათბურთი ბუდაპეშტი, უნგრეთი ევროპის ჩემპიონატი 1955  
კალათბურთი მოსკოვი, სსრკ ევროპის ჩემპიონატი 1953  
კალათბურთი პარიზი, საფრანგეთი ვროპის ჩემპიონატი 1951  
კალათბურთი პრაღა, ჩეხოსლოვაკია ევროპის ჩემპიონატი 1947  
კალათბურთი ჰელსინკი, ფინეთი ზაფხულის XV ოლიმპიური თამაშები  

რესურსები ინტერნეტშირედაქტირება

სქოლიორედაქტირება

  1. გუგუშვილი ნ., ქართული საბჭოთა ენციკლოპედია, ტ. 10, გვ. 550, თბ., 1986 წელი.
  2. ჰელსინკი 1952. საქართველოს ეროვნული ოლიმპიური კომიტეტი (25 ივნისი, 2012). ციტირების თარიღი: 18 თებერვალი, 2020.
  3. ოთარ ქორქია — საქართველოს ოლიმპიელთა კლუბი