ნო მუ ჰიენი
|
გაითვალისწინეთ: ეს არის სტატია ადამიანზე, რომლის სახელი და გვარი დაკავშირებულია კორეასთან. კორეაში არსებული ტრადიციის შესაბამისად, პირველ ადგილზე იწერება გვარი, ხოლო შემდეგ — სახელი. გაითვალისწინეთ, რომ ამ ადამიანის გვარი არის ნო, ხოლო სახელი — მუ ჰიენი. |
ნო მუ ჰიენი (კორ. 노무현?, 盧武鉉?, დ. 1 სექტემბერი, 1946, კიმჰე, სამხრეთი კორეა — გ. 23 მაისი, 2009, იანსანი, სამხრეთი კორეა) — სამხრეთ კორეის მე-9 პრეზიდენტი 2003-2008 წლებში. სამხრეთ კორეის საზღვაო საქმეებისა და მეთევზეობის მინისტრი 2000 წლის 7 აგვისტოდან 2001 წლის 25 მარტამდე.
| ნო მუ ჰიენი | |
 | |
| სამხრეთ კორეის პრეზიდენტი | |
|---|---|
| თანამდებობაზე ყოფნის დრო | |
| 25 თებერვალი, 2003 – 24 თებერვალი, 2008 | |
| წინამორბედი | კიმ დე ჯუნი |
| მემკვიდრე | ლი მიონ ბაკი |
| დაბადებული | 1 სექტემბერი, 1946 კიმჰე, სამხრეთი კორეა |
| გარდაცვლილი | 23 მაისი, 2009 იანსანი, სამხრეთი კორეა |
| ხელმოწერა |  |
2004 წლის 12 მარტს ქვეყნის პარლამენტმა მას იმპიჩმენტი გამოუცხადა, მაგრამ 14 მაისს კონსტიტუციურმა სასამართლომ აღნიშნული გადაწყვეტილება უარყო.
ბიოგრაფია
რედაქტირებანო მუ ჰიენი დაიბადა 1946 წლის 1 სექტემბერს პატარა დასახლება კიმჰეში (კიონსან-ნამდოს პროვინცია) ღარიბი გლეხის ოჯახში. იგი შრომისმოყვარე მოსწავლე იყო. სკოლის დასრულების შემდეგ მას როგორც ნიჭიერ მოსწავლეს უფასოდ ჩარიცხავენ და ასწავლიან პუსანის კომერციულ სკოლაში, რომელიც დაასრულა 1966 წელს. 1975 წელს ჩააბარა სახელმწიფო გამოცდა რათა დაეწყო იურიდიული მოღვაწეობა. იურიდიულ ინსტიტუტში ორწლიანი სავალდებულო სტაჟირების შემდეგ ნო მუ ჰიენი რვა თვის განმავლობაში მუშაობდა ქალაქ ტეჯონის მოსამართლედ. 1978 წელს დააარსა საკუთარი საადვოკატო კანტორა.
1985 წელს გახდა პუსანის დემოკრატიული სამოქალაქო საბჭოს ერთ-ერთი ლიდერი. 1987 წელს აირჩიეს „დემოკრატიული კონსტიტუციის მიღებისათვის სამოქალაქო მოძრაობის“ პუსანი განყოფილების აღმასრულებელი კომიტეტის თავმჯდომარედ. 1987 წელს იგი დააპატიმრეს და დროებით ჩამოერთვა ადვოკატის ლიცენზია. 1988 წლიდან ნო მუ ჰენი პარლამენტის დეპუტატია ეროვნული ერთობის დემოკრატიული პარტიიდან.
ცნობილი გახდა მას შემდეგ, რაც პარლამენტის სხდომაზე სიტყვით გამოვიდა ჩონ დუ ჰვანის კორუფციაში ბრალდების საქმესთან დაკავშირებით. 1990 წელს მოიხსნა დეპუტატის უფლებამოსილება, რადგან აპროტესტებდა გაერთიანებული პარტიის პოლიტიკას, რომელიც ფლობდა უმრავლესობას პარლამენტში. 1991 წლიდან გაერთიანებული დემოკრატიული პარტიის ლიდერია.
ვერ შევიდა პარლამენტში 1992, 1996 და 2000 წლების საპარლამენტო არჩევნების დროს. 1995 წელს წააგო პუსანის მერის არჩევნები. 2000-2001 წლებში საზღვაო საქმეებისა და მეთევზეობის მინისტრია.
2002 წლის საპარლამენტო არჩევნებში მიიღო ხმების 48,9 % და 2003 წლის 25 თებერვალს დაიკავა სამხრეთ კორეის პრეზიდენტის თანამდებობა. იგი ამომრჩეველს დაპირდა კორეის სახალხო დემოკრატიულ რესპუბლიკასთან დაახლოების პოლიტიკის გატარებას, დედაქალაქის გადატანას ქალაქ ტეჯონში, სადაც იგი მუშაობდა მოსამართლედ, ექვსდღიანი სამუშაო კვირის შეცვლას ხუთდღიანით.
აგრძელებდა დაახლოებას აშშ-სთან და იაპონიასთან, დიდ ყურადღებას უთმობდა თანამშრომლობას რეგიონის აზიურ ქვეყნებთან. რო მუ ჰიენის პრეზიდენტობის დროს აღინიშნა ქვეყნის ეკონომიკური ზრდა.
პირადი ცხოვრება
რედაქტირებაიყო დაოჯახებული, ჰყავს მეუღლე და ერთი შვილი. არ ჰქონდა რელიგიური რწმენა. მისი ჰობი იყო მთაში ნადირობა და ბოულინგი.
თვითმკვლელობა
რედაქტირება2009 წლის 23 მაისს ნო მიუ ჰენმა კორუფციაში დადანაშაულების შემდეგ, სიცოცხლე თვითმკვლელობით დაასრულა. თვითმკვლელობა დაადასტურა პოლიციამ[1][2][3].
რესურსები ინტერნეტში
რედაქტირება- Official English page of Roh Moo-hyun დაარქივებული 2003-05-01 საიტზე Wayback Machine.
- The Opened We Party (in Korean) დაარქივებული 2004-06-05 საიტზე Wayback Machine.
- Nosamo: Roh Moo-hyun's fan club (in Korean) დაარქივებული 2017-01-04 საიტზე Wayback Machine.
- "Roh Defiant on Korea-US Tension" დაარქივებული 2006-02-07 საიტზე Wayback Machine. , The Chosun Ilbo, 25 January 2006.
- "Profile: Roh Moo-hyun", BBC News, 14 May 2004.
- "President Roh Moo-hyun and the New Politics of South Korea" დაარქივებული 2006-04-20 საიტზე Wayback Machine. , The Asia Society, February 2003.
- "Roh Moo-hyun, South's Man of the People", The Age, 26 February 2003.
- "Profile: President-elect Roh Moo-hyun", CNN, 31 December 2002.
- Cheong Wa Dae Office of the President დაარქივებული 2006-12-15 საიტზე Wayback Machine. (English)
- Biography from Roh's Cheong Wa Dae archives დაარქივებული 2016-01-29 საიტზე Wayback Machine. (English)