ნაგება
მთა საქართველოში, იმერეთისა და სამცხე-ჯავახეთის მხარეების ადმინისტრაციულ საზღვარზე
ნაგება, ნაღება — მთა საქართველოში, იმერეთის მხარის ბაღდათის მუნიციპალიტეტისა და სამცხე-ჯავახეთის მხარის ადიგენის მუნიციპალიტეტის ადმინისტრაციულ საზღვარზე. მდებარეობს მესხეთის ქედზე, მდინარეების ქერშავეთისა (ხანისწყლის შენაკადი) და ბარათხევის (ოცხის შენაკადი) სათავეებში. სიმაღლე ზღვის დონიდან 2619 მ. აგებულია ინტენსიურად დანაოჭებული შუაეოცენური ანდეზიტურგანფენებიანი ანდეზიტური ტუფ-ბრექჩიებით. აქვს გუმბათის ფორმა, კალთები შემოსილია სუბალპური, წვერი — ალპური მდელოებით, რომელსაც იყენებენ საზაფხულო საძოვრებად.
| ნაგება | |
|---|---|
| კოორდინატები: 41°50′17″ ჩ. გ. 42°54′54″ ა. გ. / 41.838306° ჩ. გ. 42.915167° ა. გ. | |
| ქვეყანა |  საქართველო
|
| ტერიტორიული ერთეული | ბაღდათის მუნიციპალიტეტი, ადიგენის მუნიციპალიტეტი |
| სიმაღლე | 2619 მ |
| ქედი | მესხეთის ქედი |
| ამგებელი ქანები | ანდეზიტური ტუფ-ბრექჩია |
  | |
 | |
ლიტერატურა
რედაქტირება- ჯაყელი ქ., ქართული საბჭოთა ენციკლოპედია, ტ. 7, თბ., 1984. — გვ. 283.