მიხეილ ჯოჯუა (უფროსი)

მიხეილ ჯოჯუა (დ. 30 დეკემბერი, 1925, თბილისი, საქართველოს სსრ — გ. 23 სექტემბერი, 2018, თბილისი, საქართველო) — ქართველი და საბჭოთა ფეხბურთელი, თამაშობდა თავდამსხმელის და ნახევარმცველის პოზიციაზე. საბჭოთა კავშირის სპორტის ოსტატი (1950).

მიხეილ ჯოჯუა

პირადი მონაცემები
სრული სახელი	მიხეილ ჯოჯუა
დაბადების თარიღი	30 დეკემბერი, 1925
დაბადების ადგილი	ტფილისი, საქართველოს სსრ, ამიერკავკასიის სფსრ, საბჭოთა კავშირი
გარდაცვალების თარიღი	23 სექტემბერი, 2018 (92 წლის)
გარდაცვალების ადგილი	თბილისი, საქართველო
სათამაშო პოზიცია	თავდამსხმელი ნახევარმცველი
პროფესიონალური კარიერა*
წლები	გუნდი	მატჩი	(გოლი)
1944	შ. რეზერვები	?	(?)
1944–1945	შ. რეზერვები	?	(?)
1945–1946	კრილია	4	(0)
1948	დო თბილისი	?	(?)
1949–1953	დინამო თბ.	79	(18)
1955	ლოკომოტივი	?	(?)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

ბიოგრაფია

ფეხბურთის თამაშს 1944 წელს, თბილისის „შრომითი რეზერვების“ გუნდში იწყებს. იმავე წელს მოსკოვში „შრომითი რეზერვების“ პირველობაზე იწვევენ, სადაც გუნდთან ერთად პირველი ადგილის დაკავების შემდეგ — იქვე ტოვებენ და მომდევნო სეზონი მოსკოვის „შრომითი რეზერვების“ გუნდში აგრძელებს თამაშს. მოსკოვშივე ამთავრებს მუსიკალურ ტექნიკუმს. 1945 წლიდან მოსკოვის „კრილია სოვეტოვში“ გადადის, სადაც მხოლოდ რამდენიმე შეხვედრას თამაშობს. თბილისის „დინამოშია“ 1949 წლიდან. გუნდის ღირსებას 5 სეზონის განმავლობაში იცავს, რა დროსაც საკავშირო პირველობის ვერცხლისა და ბრინჯაოს პრიზიორი ხდება.

მიხეილ ჯოჯუამ თბილისის „დინამოს“ შემადგენლობაში უმაღლესი ლიგის საკავშირო ჩემპიონატების 79 მატჩი ჩაატარა და 18 გოლი გაიტანა. ამას გარდა, საკავშირო თასის გათამაშების 5 შეხვედრაში მიიღო მონაწილეობა და ორჯერ აიღო მეტოქეთა კარი.

საფეხბურთო კარიერის დასრულების შემდეგ მოღვაწეობდა კულტურის სფეროში. მუშაობდა მინიატურების და ფილარმონიის დიდი საკონცერტო დარბაზის დირექტორად, ფუნიკულიორის დირექტორად, კინომსახიობთა თეატრის დირექტორად, მუსკომედიის თეატრის დირექტორად, „მეგობრობის თეატრის“ დირექტორად. გადაღებულია ქეთი დოლიძის მხატვრულ ფილმში „მარტოხელა მონადირე“ (1989).

მიხეილ ჯოჯუა 92 წლის ასაკში, 2018 წლის 23 სექტემბერს გარდაიცვალა.

მიღწევები

გაზ. „ლელო“, 12 ოქტომბერი, 1951

დინამო თბილისი

საბჭოთა კავშირის ჩემპიონატი

• 02  ვიცე-ჩემპიონი: 1951
• 03  ბრინჯაოს პრიზიორი: 1950

ინდივიდუალური

33 საუკეთესო

• №3: 1951

ფაქტები

1949 წლის 20 ივლისს თბილისის „დინამოს“ შემადგენლობაში ჩატარებულ პირველივე ოფიციალურ შეხვედრაში რიგის „დაუგავასთან“ დუბლი შეასრულა  33' და  75'. ეს იყო პირველი შემთხვევა დინამოელთა ისტორიაში, როდესაც მოთამაშემ თავის სადებიუტო მატჩში ორი ბურთის გატანა შეძლო. მოგვიანებით იგივე გაიმეორეს ავთანდილ პაიჭაძემ და ფირუზ რეხვიაშვილმა — პაიჭაძემ 1951 წლის 19 აპრილს გორკის „ტორპედოსთან“, ხოლო რეხვიაშვილმა 1971 წლის 17 აგვისტოს ბაქოს „ნეფთჩისთან“ შეხვედრაში.

1951 წელს დასახელებული იყო საბჭოთა კავშირის წლის 33 საუკეთესო ფეხბურთელის სიაში.

ბიბლიოგრაფია

• აკოფოვი, გ.; კაკაბაძე, მ., მეორედ — ოლიმპზე, თბ.: საქ. კპ ცკ-ის გამ-ბა, 1979. — გვ. 52. 63 გვ.
• თედორაძე, ზურაბ, თბილისის „დინამო“ ციფრებში, 1936–1989, თბ.: სტამბა–96, 1999.
• თედორაძე, ზურაბ, თბილისის „დინამო“ : ციფრები, ფაქტები, კომენტარები, 1936–1989, თბ., 2002.
• თედორაძე, ზურაბ, საკლუბო გუნდების შედეგები სსრ კავშირის ჩემპიონატებში : უმაღლესი ლიგა, 1936–1991, თბ., 2001.
• ბერიშვილი, ელგუჯა (2013). ქართული სპორტის ოქროს წიგნი. თბ.: პალიტრა L. 
• Гранаткин, В.А.; Ильин, С.В. (1950). Первенство СССР по футболу 1950. Справочник-календарь. М.: Физкультура и спорт. 
• Гранаткин, В.А.; Ильин, С.В. (1950). Справочник по футболу. Первенство СССР 1950 г. (II круг). М.: Физкультура и спорт. 

პერიოდიკა

• თბილისის „დინამომ“ გააუმჯობესა თამაში // „ლელო“, 19 მაისი, 1950, № 20 (408), გვ. 3.

რესურსები ინტერნეტში

• თბილისის „დინამოს“ ოფიციალური საიტი
• მიხეილ ჯოჯუა (უფროსი) — ეროვნული ფილმოგრაფია

თემატური საიტები

dinamo-tbilisi.ru · FootballFacts.ru

ლექსიკონები და ენციკლოპედიები

ბიოგრაფიული ლექსიკონი

ფოტოარქივი

ციფრული ფოტომატიანე „ივერიელი“

ვიდეო

YouTube · ინტერვიუ მიხეილ ჯოჯუასთან