მიხეილ ჯანელიძე
მიხეილ (პაპუნა) ჯანელიძე[1] (დ. 29 მარტი, 1981) — ქართველი პოლიტიკოსი, საქართველოს საგარეო საქმეთა მინისტრი 2015-2018 წლებში, საქართველოს ვიცე-პრემიერი 2017-2018 წლებში. მანამდე ეკავა საქართველოს ეკონომიკისა და მდგრადი განვითარების მინისტრის მოადგილისა და საგარეო საქმეთა სამინისტროს პირველი მოადგილის თანამდებობები.
| მიხეილ ჯანელიძე | |
  | |
|---|---|
| თანამდებობაზე ყოფნის დრო | |
| 30 დეკემბერი, 2015 – 13 ივნისი, 2018 | |
| პრეზიდენტი | გიორგი მარგველაშვილი |
| პრემიერ-მინისტრი | გიორგი კვირიკაშვილი |
| წინამორბედი | გიორგი კვირიკაშვილი |
| მემკვიდრე | დავით ზალკალიანი |
| დაბადებული | 29 მარტი, 1981 თბილისი, საქართველოს სსრ, სსრკ |
| მოქალაქეობა |  სსრკ→ საქართველო |
| ეროვნება | ქართველი |
| პოლიტიკური პარტია | ქართული ოცნება |
| განათლება | 1) თბილისის სახელმწიფო უნივერსიტეტი 2) რუსეთის საგარეო საქმეთა სამინისტროს დიპლომატიური აკადემია 3) გრენობლის ბიზნესის უმაღლესი სკოლა 4)კავკასიის ბიზნესის სკოლა |
| პროფესია | პოლიტიკოსი, დიპლომატი, ბიზნესმენი |
| ჯილდოები |  |
კარიერა
რედაქტირება2009-2015 წლებში მიხეილ ჯანელიძე მუშაობდა სხვადასხვა მნიშვნელოვან პოზიციებზე საქართველოს ეკონომიკისა და მდგრადი განვითარების სამინისტროში. თავდაპირველად საგარეო ვაჭრობისა და საერთაშორისო ეკონომიკური ურთიერთობების დეპარტამენტის დირექტორის, ხოლო 2011 წლიდან ეკონომიკისა და მდგრადი განვითარების მინისტრის მოადგილის თანამდებობებზე. აღნიშნულ წლებში იყო ევროკავშირთან ვაჭრობის შეთანხმების საკითხებზე საქართველოს მხრიდან მთავარი მომლაპარაკებელი და სხვადასხვა ქვეყანასთან ეკონომიკური თანამშრომლობის მთავრობათშორისი კომისიების თავმჯდომარე. საჯარო სამსახურში მუშაობის დაწყებამდე საქმიანობდა კერძო სექტორში საერთაშორისო ვაჭრობისა და ინვესტიციების მიმართულებით, როგორც ბიზნესის განვითარებისა და მართვის მენეჯერი და მეწარმე.
საგარეო საქმეთა მინისტრად დანიშვნამდე, 2015 წლის სექტემბრიდან მიხეილ ჯანელიძე საგარეო საქმეთა მინისტრის პირველი მოადგილის თანამდებობაზე მუშაობდა და წარმართავდა ამერიკის შეერთებულ შტატებთან და კანადასთან საქართველოს ურთიერთობებს, ასევე ეკონომიკური დიპლომატიის საკითხებს. მინისტრის თანამდებობა მან 2018 წლის ივნისში, პრემიერ-მინისტრ კვირიკაშვილის გადადგომის შემდეგ დატოვა.[2]
განათლება
რედაქტირება2002 წელს მიხეილ ჯანელიძემ დაამთავრა ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობათა ფაკულტეტი და მიენიჭა ბაკალავრის ხარისხი. 2003-2006 წლებში სწავლა გააგრძელა საერთაშორისო სამართლისა და ევროპული სამართლის სპეციალობით დიპლომატიურ აკადემიაში, რუსეთის ფედერაციაში. 2011 წელს საფრანგეთის გრენობლის ბიზნესის უმაღლესი სკოლის მიერ მიენიჭა ბიზნესის ადმინისტრირების მაგისტრის ხარისხი, ხოლო კავკასიის ბიზნესის სკოლის მიერ - მმართველთათვის საერთაშორისო ბიზნესის ადმინისტრირების მაგისტრის ხარისხი. 1996-1997 წლებში სწავლობდა გერმანიაში, ქ. ვადერნის ჰოხვალდის გიმნაზიაში.
ჯილდოები
რედაქტირება2011 წელს, საქართველოს საგარეო ვაჭრობისა და საერთაშორისო ეკონომიკური ურთიერთობების განვითარებაში შეტანილი განსაკუთრებული წვლილისთვის, მიხეილ ჯანელიძეს ღირსების ორდენი მიენიჭა.[3]
რესურსები ინტერნეტში
რედაქტირება- მიხეილ ჯანელიძე[დაარქივებული] — საგარეო საქმეთა სამინისტრო.
- მიხეილ ჯანელიძე[დაარქივებული] — საქართველოს მთავრობის საიტი
სქოლიო
რედაქტირება- ↑ „„ოცნების“ ყოფილი მაღალი თანამდებობის პირები „უცხოეთის აგენტებზე“ კანონპროექტს აკრიტიკებენ“. Civil Georgia. 28 თებერვალი, 2023. ციტირების თარიღი: 20 მარტი, 2023. შეამოწმეთ თარიღის პარამეტრი
|access-date=და|date=-ში (დახმარება) - ↑ მიხეილ ჯანელიძე და დიმიტრი ქუმსიშვილი ახალ მინისტრთა-კაბინეტში აღარ იქნებიან. „ლიბერალი", 18 ივნისი 2018.
- ↑ დაარქივებული ასლი. დაარქივებულია ორიგინალიდან — 2016-06-24. ციტირების თარიღი: 2016-05-04.
| პოლიტიკური თანამდებობები | ||
|---|---|---|
| წინამორბედი: გიორგი კვირიკაშვილი |
საგარეო საქმეთა მინისტრი 30 დეკემბერი, 2015 – 13 ივნისი, 2018 |
შემდეგი: დავით ზალკალიანი |