მიხეილ დიასამიძე
მიხეილ დიასამიძე (დ. 11 აპრილი, 1913, გაღმა ვანი — გ. 3 ივნისი, 1992, კურსკი) — საბჭოთა გვარდიის პოლკოვნიკი, მეორე მსოფლიო ომის მონაწილე, საბჭოთა კავშირის გმირი.
| მიხეილ დიასამიძე | |
|---|---|
| ეროვნება | ქართველი |
| დაბადების თარიღი | 11 აპრილი, 1913 |
| დაბადების ადგილი | ვანი, ქუთაისის მაზრა |
| გარდაცვალების თარიღი | 3 ივნისი, 1992 |
| გარდაცვალების ადგილი | კურსკი, რუსეთი |
| ჯარის სახეობა | წითელი არმია |
| სამხედრო სამსახურის წლები | 1924-1962 |
| წოდება |
 |
| ბრძოლები/ომები | დიდი სამამულო ომი |
| ჯილდოები |
 |
დაიბადა ქუთაისის მაზრის სოფელი გაღმა ვანში (ამჟამინდელი ქალაქი ვანი). 1929 წლიდან გაწევრიანდა წითელ არმიაში. დაამთავრა ბაქოს სამხედრო ქვეითთა სასწავლებელი 1933 წელს, იმავე წელს დაინიშნა ნოვოროსიისკში 22-ე წითელდროშოვანი მსროლელი დივიზიის 65-ე პოლკის ოცეულის მეთაურად. 1937 წლიდან მსახურობდა შორეულ აღმოსავლეთში, სადაც მეთაურობდა პოლკის სკოლასა და ბატალიონს.
მეორე მსოფლიო ომის დაწყებისთანავე ჩაება ბრძოლებში, 1938 წელს მონაწილეობდა იაპონელთა წინააღმდეგ ბრძოლაში ხასანის ტბასთან. მიღებული აქვს სახელმწიფო ჯილდოები, მათ შორის საბრძოლო ორდენები და მედლები, 1942 წელს, სტალინგრადის ბრძოლაში გამოჩენილი მამაცობისათვის მიენიჭა საბჭოთა კავშირის გმირის ორდენი. 1958 წელს მისი ხელმძღვანელობით მეომრებმა კურსკის მახლობლად გააუვნებელყვეს ომის წლებში გერმანელი ფაშისტების მიერ დანაღმული ველი.
გარდაიცვალა კურსკში, 1992 წელს, დაკრძალულია კურსკის ნიკიტის სამხედრო სასაფლაოზე. დიასამიძის სახელი მინიჭებული აქვს ქუჩას ქალაქ კურსკში, მისი სახელობის მემორიალური სვეტი დგას ვოლგოგრადის სამხედრო ხეივანში.
რესურსები ინტერნეტში
რედაქტირება- მიხეილ დიასამიძე — ბიოგრაფიული ლექსიკონი, nplg.gov.ge
- Диасамидзе, Михаил Степанович — Сайт «Герои Страны» (რუსული)
- Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 22 декабря 1942 года // Ведомости Верховного Совета Союза Советских Социалистических Республик : газета. — 1942. — 25 декабря (№ 46 (205)). — С. 1.