მიურიცის ეროვნული პარკი

მიურიცის ეროვნული პარკი (გერმ. Müritz-Nationalpark) — ეროვნული პარკი გერმანიაში, მეკლენბურგ-წინა პომერანიის მხარის სამხრეთში, ბერლინსა და როსტოკს შორის. იშლება მიურიცის ტბის ნაპირთან.

მიურიცის ეროვნული პარკი Müritz-Nationalpark
IUCN კატეგორია II (ეროვნული პარკი)
მდებარეობა	გერმანია
კოორდინატები	53°26′ ჩ. გ. 12°50′ ა. გ.
ფართობი	318 კმ²
დაარსდა	1990

პარკი 1990 წელს შეიქმნა და მისი ფართობი 318 კმ²-ია. ქალაქ ვარენის სიახლოვეს, მიურიცზეუმში, ვიზიტორებს შეუძლიათ ინფორმაცია მიიღონ ეროვნულ პარკზე.

გეოგრაფია

ეროვნული პარკი ორ განცალკევებულ ნაწილად იყოფა — მიურცად და სერაჰნად. პირველი, უფრო დიდი ნაწილი იშლება მიურიცის ტბის აღმოსავლეთ ნაპირიდან ქალაქ ნოიშტერლიცამდე. მეორე, უფრო პატარა ნაწილი ნოიშტერლიცის აღმოსავლეთით მდებარეობს. ლანდშაფტისათვის დამახასიათებელია დაბოლოებული მორენები, გადარეცხილი ვაკეები და დაბლობები. ტერიტორიის 65 % ტყითაა დაფარული, 12 % ტბებით, დარჩენილი ნაწილი კი ჭაობებსა და ტბორებს უჭირავს.

მიურცის ტბის ფართობი 118 კმ²-ია, ეროვნული პარკის ნაწილი მისი მხოლოდ აღმოსავლეთი ნაპირია.

ფლორა და ფაუნა

ეროვნულ პარკში გავრცელებულ ცხოველთა შორისაა კეთილშობილი ირემი, წერო, თეთრკუდა არწივი და ეგრეტი და ა. შ.

შეიძლება ითქვას, რომ ეროვნული პარკის ბუნება დაუზიანებელია. მრავლადაა გავრცელებული ღვია (Juniperus).

იხილეთ აგრეთვე

• გერმანიის ეროვნული პარკების სია

რესურსები ინტერნეტში

ვიკისაწყობში არის გვერდი თემაზე:

Müritz-Nationalpark

• http://www.nationalpark-mueritz.de დაარქივებული 2010-02-17 საიტზე Wayback Machine.