მზე (გაზეთი)

„მზე“ — ქართული ყოველკვირეული გაზეთი, გამოდიოდა 1908 წლის 5 ოქტომბრიდან თბილისში. გამოვიდა 3 ნომერი. გაზეთი აშუქებდა სიტყვაკაზმული მწერლობის, მხატვრობის, მუსიკისა და თეატრის აქტუალურ საკითხებს. დაბეჭდილია ილია ჭავჭავაძის, აკაკი წერეთლის, შიო არაგვისპირელის, სოფრომ მგალობლიშვილის, ვაჟა-ფშაველას, სანდრო შანშიაშვილის, დუტუ მეგრელისა და კონსტანტინე მაყაშვილის ნაწარმოებები; კიტა აბაშიძის, ივანე გომართელის, ზაქარია ფალიაშვილის სტატიები; ფელეტონები, ლიტერატურული სიახლენი და სხვა. რედაქტორ-გამომცემელი ნ. ასათიანი. „მზე“ დაიხურა ადგილობრივი ხელისუფლების განკარგულებით. შემდეგ მის ნაცვლად იმავე პროგრამით გამოვიდა ჟურნალი „ფასკუნჯი“.

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 657.