მეზენი (მდინარე)
მეზენი — მდინარე რუსეთში, არხანგელსკის ოლქსა და კომის რესპუბლიკაში. სიგრძე 966 კილომეტრი, აუზის ფართობი 78 ათასი კმ². სათავე აქვს ტიმანის ჭიუხის დასავლეთ კალთების ჭაობებში. ერთვის თეთრ ზღვას. ზემოთში ხეობის ნაპირები მაღალი და კლდოვანია, შუაწელში კალაპოტი დაკლაკნილია, ქვემოთში ბევრია თავთხელი და ჩქერი. ზღვის მოქცევა ვრცელდება შესართავიდან 64 კილომეტრზე. შერეული საზრდოობის მდინარეა; ჭარბობს თოვლის წყალი. წყლის საშუალო წლიური ხარჯი 886 მ³/წმ, მაქსიმალური 9530 მ³/წმ. წყალდიდობა იცის მაის-ივლისში. იყინება ოქტომბერ-ნოემბერში, ყინულძვრაა აპრილ-მაისში. სანაოსნოა შესართავიდან 201 კილომეტრზე, გაზაფხულზე 681 კილომეტრზე. შესართავიდან იჭერენ თევზს. მდინარის ნაპირზეა ქალაქი მეზენი.
| მეზენი | |
|---|---|
 მდინარე სათავიდან შესართავამდე | |
| ქვეყანა |
 რუსეთი |
| ქალაქები | მეზენი |
| სათავე |
ტიმანის ჭიუხი 66°11′49″ ჩ. გ. 43°58′47″ ა. გ. / 66.19694° ჩ. გ. 43.97972° ა. გ. |
| შესართავი | თეთრი ზღვა |
| სიგრძე | 966 კმ |
| აუზის ფართობი | 78 000 კმ² |
 მეზენი ვიკისაწყობში | |
ლიტერატურა
რედაქტირება- ქართული საბჭოთა ენციკლოპედია, ტ. 6, თბ., 1983. — გვ. 545.