მაფინგა
მაფინგა (ინგლ. Mafinga Central) — ყველაზე უფრო მაღალი წერტილია მაფინგა-ჰილზის მთიანეთის ქედზე, ზამბია-მალავის სახელმწიფო საზღვარზე. იგი მდებარეობს ზღვის დონიდან 2339 მეტრ სიმაღლეზე, რის გამოც ყველაზე მაღალი მთაა ზამბიაში. მაფინგას მთასთან მიღწევა ყველაზე უფრო ადვილია მალავის ქალაქ ჩისენგადან.[1]
| მაფინგა | |
|---|---|
 მაფინგის მთა მაფინგა ჰილზის მთიანეთის ქედზე ზამბია-მალავის საზღვარზე | |
| კოორდინატები: 9°57′09″ ს. გ. 33°21′08″ ა. გ. / 9.952694° ს. გ. 33.352361° ა. გ. | |
| ქვეყანა |  ზამბია მალავი
|
| სიმაღლე | 2339 მ |
| ქედი | მაფინგა-ჰილზი |
  | |
 | |
2014 წელს მთაზე სიმაღლის გასაზომად ავიდა ინტერნაციონალური გუნდი დიდი ბრიტანეთიდან, მალავიდან და ლიტვიდან, რის შემდეგაც დადგინდა, რომ იგი ცოტათი უფრო მაღალია, ვიდრე 2337 მეტრიანი სამხრეთი მაფინგას მთა, რომელიც კიდევ ერთი მთაა მაფინგა ჰილზის მთიანეთის წყალგამყოფზე. ამის დასადასტურებლად სავარაუდოდ ჩასატარებელია კიდევ უფრო ზუსტი კვლევები.[2] ორივე მწვერვალი მდებარეობს მაფინგას ქედზე, რომლის მასივიც შედგება კვარციტებისაგან, ფილიტებისაგან და დანალექი წარმოშობის მინდვრის შპატების ქვიშაქვებისაგან. ზამბიის ერთ-ერთი დიდი მდინარე ლუანგვის სათავე მაფინგა ჰილზის მთიანეთის დასავლეთის მხრიდან იწყება.[3]
სქოლიო რედაქტირება
- ↑ Mafinga South and Mafinga Central: the highest peaks in Zambia. Footsteps on the Mountain blog (16 October 2014).
- ↑ Mafinga South and Mafinga Central: the highest peaks in Zambia. Footsteps on the Mountain blog (16 October 2014).
- ↑ Mafinga Hills. Encyclopaedia Britannica. ციტირების თარიღი: 16 October 2014.