მატლიჭამიასებრნი

მატლიჭამიასებრნი (ლათ. Campephagidae) — ფრინველთა ოჯახი ბეღურასნაირთა რიგისა. მათი სხეულის სიგრძეა 13–36 სმ. ნისკარტი საფუძველთან ფართოა და გარშემხვეულია უხეში ჯაგრით, წვეტზე კაუჭი აქვს. ფეხები მოკლე და სუსტია. ბოლო მომრგვალებული და საფეხუროვანი. ფრთები მახვილი. შებუმბვლა ხშირად რუხია, ზოგიერთი სახეობისათვის წითელი ან ყვითელი. სხვადასხვა წყაროებით აერთიანებს 6–11 გვარის 92-მდე სახეობას. უმთავრესად გავრცელებული არიან აზიის, ავსტრალიისა და აფრიკის ტროპიკებსა და სუბტროპიკებში. ძირითადად მეხეური ფრინველებია, უპირატესობას გამეჩხერებულ კორომებს ანიჭებენ; 1 სახეობა უდაბნოში ცხოვრობს. ბუდეს ხეზე აკეთებენ; დედალი დებს 2–5 კვერცხს. იკვებებიან მწერებით, რომლებსაც ჰაერში იჭერენ ან აგროვებენ ხეებზე, იშვიათად მიწაზე.

მატლიჭამიასებრნი
ნიღბოსანი ღაჟოსებრი მატლიჭამია (Coracina novaehollandiae)
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ფრინველები რიგი:  ბეღურასნაირნი ოჯახი:  მატლიჭამიასებრნი
ლათინური სახელი
Campephagidae (Vigors, 1825)
სისტემატიკა ვიკისახეობებში სურათები ვიკისაწყობში ITIS   178501 NCBI   880551 EOL   7567 FW   371709

რესურსები ინტერნეტში

• მატლიჭამიასებრნი — სტატია დიდი საბჭოთა ენციკლოპედიიდან (რუსული)