მარიონ კოტიარი

მარიონ კოტიარი
მარიონ კოტიარი
დაბადების სახელი	მარიონ კოტიარი
დაბადების თარიღი	30 სექტემბერი, 1975 (49 წლის); პარიზი, საფრანგეთი
აქტიური	1993-დღემდე
ოსკარი	საუკეთესო მსახიობი ქალი; 2007 — ცხოვრება ვარდისფერ ფერებში
ოქროს გლობუსი	საუკეთესო მსახიობი ქალი მიუზიკლსა ან კომედიაში; 2007 — ცხოვრება ვარდისფერ ფერებში
BAFTA	საუკეთესო მსახიობი ქალი; 2007 — ცხოვრება ვარდისფერ ფერებში
სეზარი	საუკეთესო მსახიობი ქალი; 2007 — ცხოვრება ვარდისფერ ფერებში; საუკეთესო მსახიობი ქალი მეორეხარისხოვან როლში; 2004 — ხანგრძლივი ნიშნობა

მარიონ კოტიარი (ფრანგ. Marion Cotillard; დ. 30 სექტემბერი, 1975) — ფრანგი კინომსახიობი, რომელიც თითქმის 40 კინო და სატელევიზიო ფილმში გამოჩნდა 1993 წლიდან.

ბიოგრაფია

მარიონი დაიბადა მსახიობთა ოჯახში. მან სენაზე თამაში ბავშვობიდან დაიწყო, თინეიჯერობის პერიოდში კი ტელეფილმებიდან კინოში გადავიდა. 1990-იანი წლების დასასრულს მან, როგორც ფრანგმა კინომსახიობმა, წარმატებას მიაღწია ფილმებით: „ჩემი სექსუალური ცხოვრება... ანუ როგორ ჩავერთე კამათში“ (1996) და „ტაქსი“ (1998), ასევე, ის უფრო ფართო აუდიტორიამ ნახა ფილმებში: „დიდი თევზი“ (2003), „ხანგრძლივი ნიშნობა“ (2004), რომლისთვისაც მან სეზარის პრემია დაიმსახურა, როგორც საუკეთესო მსახიობმა ქალმა მეორეხარისხოვან როლში და „კარგი წელი“ (2006).

მისი მიერ შექმნილმა ედიტ პიაფის პორტრეტმა ფილმში „ცხოვრება ვარდისფერ ფერებში“ (2007) მას საერთაშორისო აღიარება და მრავალი ჯილდო მოუტანა, მათ შორის: BAFTA-ს, სეზარის, ოქროს გლობუსის ჯილდოები და სწორედ ამ ფილმით ის პირველი მსახიობი გახდა, რომელმაც აიღო ოსკარი ფრანგულენოვანი როლის შესრულებისათვის.

მარიონმა ინტერესი გარემოს საქმეებშიც გამოავლინა და გრინპისის ორატორადაც იმსახურა. ის თავის კომპანიონ მსახიობ და რეჟისორ გიიომ კანესთან ერთად ცხოვრობს.

ფილმოგრაფია

წელი		ქართულად	მშობლიური სახელწოდება	როლი
1996	ფ	ჩემი სექსუალური ცხოვრება... ანუ როგორ ჩავერთე კამათში	My Sex Life... or How I Got Into an Argument	სტუდენტი
1998	ფ	ტაქსი	Taxi	ლილი
2003	ფ	დიდი თევზი	Big Fish	ჟოზეფინ ბლუმი
2003	ფ	შემიყვარე თუ გაბედავ	Jeux d'enfants	სოფი კოვალსკი
2004	ფ	ხანგრძლივი ნიშნობა	Un long dimanche de fiançailles	ტინა ლომბარდი
2006	ფ	კარგი წელი	A Good Year	ფანი შენალი
2007	ფ	ცხოვრება ვარდისფერ ფერებში	La Vie en rose	ედიტ პიაფი
2009	ფ	საზოგადოების მტრები	Public Enemies	ბილი ფრეჩიტი
2009	ფ	ცხრა	Nine	ლუიზა კონტინი
2010	ფ	დასაწყისი	Inception	მელორი „მოლ“ კობი
2010	ფ	პატარა საიდუმლოებები	Les petits mouchoirs	მარი
2011	ფ	შუაღამე პარიზში	Midnight in Paris	ადრიანა
2012	ფ	ბნელი რაინდი: აღზევება	The Dark Knight Rises	მირანდა ტეიტი
2012	ფ	ჟანგი და ძვალი	De rouille et d'os	სტეფანი
2013	ფ	იმიგრანტი	The Immigrant	ევა საიბულსკი
2014	ფ	ორი დღე, ერთი ღამე	Deux jours, une nuit	სანდრა

რესურსები ინტერნეტში

მარიონ კოტიარი კინოფილმების ინტერნეტ-მონაცემთა ბაზაში