მარიამჯვრის სახელმწიფო ნაკრძალი

მარიამჯვრის სახელმწიფო ნაკრძალი — სახელმწიფო ნაკრძალი საგარეჯოს მუნიციპალიტეტში, გომბორის ქედის სამხრეთ კალთებზე. მისია ფართობია 1040 ჰა. დაარსდა 1935 წელს რელიქტური სოსნოვსკის ფიჭვის იშვიათი მასივის შემონახვის მიზნით. ნაკრძალის ფართობის დიდი ნაწილი ტყითაა დაფარული. აქ ხარობს რცხილა, ჯაგრცხილა, მუხა, წიფელი, ნეკერჩხლები, თელა. ქვეტყეში მრავალი სახეობის ბუჩქია. სოსნოვსკის ფიჭვი გავრცელებულია ზღვის დონიდან 800-1800 მ-ზე. ქმნის როგორც წმინდა (კონგლომერატებზე, ნაშალებზე, რიყეებზე და გამოტანის კონუსებზე), ისე შერეულ ზევნარებს ფიჭვნარ-მუხნარის, ფიჭვნარ-რცხილნარისა და სხვა სახით. ნარძალში ვხვდებით სოსნოვსკის ფიჭვის ოთხ ფორმას: პირამიდულს, კომპაქტურს, ოვალურსა და ქოლგისებურს.

მარიამჯვრის სახელმწიფო ნაკრძალი
მდებარეობა	საგარეჯოს მუნიციპალიტეტი
ქვეყანა	საქართველო
უახლოესი ქალაქი	საგარეჯო
ფართობი	1040 ჰა
დაარსდა	1935
მმართველი ორგანო	დაცული ტერიტორიების სააგენტო

იხილეთ აგრეთვე

• საქართველოს დაცული ტერიტორიები

რესურსები ინტერნეტში

• სსიპ დაცული ტერიტორიების სააგენტო / მარიამჯვრის სახელმწიფო ნაკრძალი

ლიტერატურა

• მამისაშვილი კ., ქართული საბჭოთა ენციკლოპედია, ტ. 6, თბ., 1983. — გვ. 440.