მანდარინები
მანდარინები (ესტ. Mandariinid) — რეჟისორ ზაზა ურუშაძის მიერ კინოსტუდია „Allfilm-ში“ 2013 წელს გადაღებული მხატვრული ფილმი. მთავარ როლებში: მიხეილ მესხი, გიორგი ნაკაშიძე, ლემბიტ ულფსაკი და ელმო ნიუგანენი. ფილმი ნომინირებული იყო ოქროს გლობუსის საუკეთესო უცხოენოვანი ფილმის ჯილდოზე, ასევე ოსკარის საუკეთესო უცხოენოვანი ფილმის ჯილდოზე.
| „მანდარინები“ | |
|---|---|
 | |
| ჟანრი | დრამა |
| რეჟისორი | ზაზა ურუშაძე |
| პროდიუსერი | ივო ფელტი, ზაზა ურუშაძე |
| სცენარის ავტორი | ზაზა ურუშაძე |
| როლებში | ლემბიტ ულფსაკი, მიხეილ მესხი, გიორგი ნაკაშიძე, ელმო ნიუგანენი |
| კომპოზიტორი | ნიაზ დიასამიძე |
| ოპერატორი | რეინ კოტოვი |
| მხატვარი | თეა თელია |
| სტუდია | Allfilm |
| გამოსვლის თარიღი | 2013 |
| ხანგრძლივობა | 1:25:00 |
| ქვეყანა | ესტონეთი, საქართველო |
| ენა | ესტონური, რუსული, ქართული |
| საიტი | Facebook გვერდი |
სიუჟეტი
რედაქტირებაფილმის სიუჟეტი ვითარდება აფხაზეთის ომის პერიოდში, თუმცა ფილმში არ არის ასახული ომის სცენები. მასში მოთხრობილია აფხაზეთში მცხოვრები ესტონელების შესახებ. ომის დროს ესტონეთის ხელისუფლებამ აფხაზეთიდან იქ მცხოვრები ესტონელები გაიყვანა, მაგრამ რამდენიმე მათგანმა თავისი სურვილით არჩია აფხაზეთში დარჩენა. სოფელში ორი მოსახლეღა შემორჩა. ქართველებსა და ჩეჩნებს შორის მომხდარი შეტაკების შემდეგ ერთ-ერთი ესტონელი, ივო სახლში შეიფარებს სიკვდილის პირას მყოფ მტრებს: დაჭრილი ქართველი მოხალისე მეომარსა და დაქირავებულ ჩეჩენ ბოევიკს. აღმოჩნდება, რომ ესტონელი ივოს შვილი ომის დაწყებისას ქართველების ხელით დაიღუპა.
როლებში
რედაქტირება- ლემბიტ ულფსაკი — ივო
- გიორგი ნაკაშიძე — ახმედი
- მიშა მესხი — ნიკა
- ელმო ნიუგანენი — მარგუსი
- რაივო ტრასი — იუჰანი
- გიორგი ცაავა — ოფიცერი
- ზურაბ ბეგალიშვილი — ასლანი
- ჯანო იზორია — ასლანის ჯარისკაცი
- დათო კახიძე — ასლანის ჯარისკაცი
- გია გოგიშვილი — ასლანის ჯარისკაცი
- ვამეკ ჯანგიძე — ასლანის ჯარისკაცი
- ალეკო ბეგალიშვილი — ასლანის ჯარისკაცი
- თემო ხუციშვილი — ასლანის ჯარისკაცი
- კახა არევაძე — იბრაჰიმი
- ანა–ჰელინ საადოია — მარი
გადაღება
რედაქტირება„მანდარინები“ ქართულ-ესტონური პროექტია, რომელიც ევრიმაჟის დახმარებით შეიქმნა. დაფინანსების დიდი ნაწილი ესტონურმა მხარემ გაიღო და ოქროს გლობუსსა და ოსკარებზე მისი ნომინირების უფლებაც თავად დაიტოვა.
ჯილდოები
რედაქტირებაფილმი გახდა ვარშავის საერთაშორისო კინოფესტივალის ორი ნომინაციის — „საუკეთესო რეჟისურისა“ და „აუდიტორიის ჯილდოს“ გამარჯვებული.[1] ასევე მიიღო ესტონეთის კინოჟურნალისტთა ჯილდო, მანჰაიმ-ჰაიდელბერგის საერთაშორისო კინოფესტივალის მაყურებეთლა პრიზი, აუდიენციის ჯილდო ეგვიპტეში.[2] ფილმი ესტონეთმა წარადგინა ოსკარის საუკეთესო უცხოენოვანი ფილმის კატეგორიისათვის.[3] საბოლოოდ, ფილმმა მიიღო ნომინაციები ოქროს გლობუსის ჯილდოზე საუკეთესო უცხოენოვანი ფილმისთვის,[4] ასევე ოსკარის საუკეთესო უცხოენოვანი ფილმის ჯილდოზე.[5]
რესურსები ინტერნეტში
რედაქტირებასქოლიო
რედაქტირება- ↑ ზაზა ურუშაძის „მანდარინებმა“ ვარშავის კინოფესტივალზე ორ ნომინაციაში გაიმარჯვა
- ↑ Georgian film Tangerines wins Audience Award at Egypt film event დაარქივებული 2016-03-05 საიტზე Wayback Machine. (ინგლისური)
- ↑ Tangerines is Estonia’s pick for the Academy Awards
- ↑ 2015 GOLDEN GLOBE NOMINATIONS. დაარქივებულია ორიგინალიდან — 2015-01-25. ციტირების თარიღი: 2014-12-11.
- ↑ Oscar Nominations 2015: See The Full List. Huffington Post. ციტირების თარიღი: 15 January 2015.