ლილი ჯეინ კოლინზი (ინგლ. Lily Collins; დ. 18 მარტი, 1989) — ინგლისელ-ამერიკელი მსახიობი, მოდელი და მწერალი.[1]

ლილი კოლინზი
Tolkien (47748801472) Cropped.jpg
ლილი 2019 წელს, ფილმ „ტოლკინის“ პრემიერაზე
დაბადების სახელი ლილი ჯეინ კოლინზი
დაბადების თარიღი 18 მარტი, 1989 (1989-03-18) (31 წლის)
გუილდფორდი, სურეი, ინგლისი
ეროვნება ინგლისელი, ამერიკელი
მოქალაქეობა აშშ-ის დროშა აშშ
ალმა-მატერი სამხრეთ კალიფორნიის უნივერსიტეტი
საქმიანობა
  • მსახიობი
  • მოდელი
  • მწერალი
აქტიური 1992-დღემდე
მშობლები მამა: ფილ კოლინზი
დედა: ჯილ ტაველმენი
ნათესავები საიმონ კოლინზი
ჯოელი კოლინზი
ხელმოწერა Lily Collins' Signature.png

ადრინდელი ცხოვრებარედაქტირება

ინგლისელი მუსიკოსის, ფილ კოლინზის და ამერიკელის, ჯილ ტაველმანის ქალიშვილი. დაიბადა სურეიში.[2] როდესაც, 1996 წელს, ლილის მშობლები განქორწინდნენ, კოლინზი დედასთან ერთად ლოს-ანჯელესში გადავიდა საცხოვრებლად. მან დაამთავრა „ჰარვარდ-ვესტლეიკის სკოლა“, ხოლო სწავლა „სამხრეთ კალიფორნიის უნივერსიტეტში“ განაგრძო, სადაც იგი ჟურნალისტიკის ფაკულტეტზე სწავლობდა.[3] ლილის, მამის პირველი ქორწინებიდან, ორი ნახევარ და-ძმა ჰყავს, ბრიტანელ-ინგლისელი მუსიკოსი, საიმონ კოლინზი და კანადელ-ინგლისელი მსახიობი და პროდიუსერი ჯოელი კოლინზი, მამის მესამე ქორწინებიდან ჰყავს ორი უმცროსი ნახევარძმა. მოზარდობის პერიოდში მას ჰქონდა წონის პრობლემები, რაც შემდგომ თავის წიგნში ასახა.

კარიერარედაქტირება

იგი ესპანეთის ჟურნალმა, Glamour-მა წლის საერთაშორისო მოდელად დაასახელა მას შემდეგ, რაც 2007 წელს ლილიმ Chanel-ის ტანისამოსი მოირგო, Hotel de Crillon-ში.

2009 წელს იგი გამოჩნდა დრამა სერიალის „90210“-ის ორ ეპიზოდში. ამავე წელს გადაღებული იქნა ბიოგრაფიულ ფილმში, სახელად „უხილავი მხარე“, სადაც მან ქოლინს ტუჰის როლი შეასრულა. 2011 წელს მან მღვდლის ქალიშვილის ლუსის როლი მოირგო, ფილმ „მღვდელში“. MTV Networks' NextMovie.com-მა 2011 წელს, დაასახელა იმ მსახიობებს შორის, რომელსაც 2011 წელს უნდა უყურო. 2011 წელს ასევე გადაღებული იქნა ფილმ „დევნაში“, სადაც მან მონაწილეობა ტეილორ ლოტნერთან[4] ერთად მიიღო. მან ფანტაზიური ჟანრის ფილმში, „ფიფქიაში“ სნოუ ვაითის როლი შეასრულა. ბრიტანელი რობი ქოლინი, გაზეთ The Daily Telegraph-ში ქოლინსის შესახებ წერს: „მას აქვს სენსაციური, თითქმის სრულყოფილი სახე კინოსთვის.“ [5]ქოლინზმა თავისი სასიმღერო კარიერის დებიუტი, ფილმში შექმნა, როდესაც „I Believe (in Love)“-ის ქავერი შეასრულა. ფილმ „სიკვდილის იარაღი:ძვლების ქალაქი“-ში, კლერი ფრეის როლის შესრულებით, მან ფართო აღიარება მოიპოვა და ნომინირდა Teen Choice Award-სა და MTV Movie Award-ზე.

იგი ასევე ცნობილია, თავისი შესრულებული როლებით, ისეთ ფილმებში, როგორიცაა: „სიყვარულში გაჭედილი“ (2012), „ინგლისურის მასწავლებელი“ (2013), „სიყვარულით როზი“ (2014). 2016 წელს მან New Hollywood Film Award-ი მოიგო, და ნომინირდა ოქროს გლობუსის ნომინაციაზე

2019 წელს იგი დრამატულ ფილმში „საოცრად ავი, შოკისმომგვრელად ბოროტი და საზარელი“ ზაკ ეფრონთან ერთად იქნა გადაღებული, მან ელიზაბეტ კენდალის როლი შეასრულა.

პირადი ცხოვრებარედაქტირება

ქოლინსმა 2013 წელს განაცხადა რომ მას არ მოსწონს პირადი ურთიერთობების მედიაში გაშუქება, რადგან მისი მშობლების განქორწინების ერთ-ერთი მიზეზი მედია გახდა. [6]

სქოლიორედაქტირება

  1. Willis, Jackie. 10 Things You Didn't Know About Lilly Collins. Lily Collins. ციტირების თარიღი: 26 February 2019
  2. Lansden, Pamela. (10 April 1989) Take One. People. ციტირების თარიღი: 29 November 2009.
  3. People
  4. Sneider, Jeff. (15 April 2010) Lily Collins Joins Taylor Lautner in 'Abduction'. TheWrap.
  5. Collin, Robbie. (30 March 2012) Mirror, Mirror – review. The Daily Telegraph. ციტირების თარიღი: 30 March 2012.
  6. Lily Collins in awe of Depp. The Belfast Telegraph (6 August 2013). ციტირების თარიღი: 15 August 2015.