ლევონ მალხაზიანი
ლევონ მალხაზიანი (სომხ. Լևոն Մալխասյան; დ. 1 იანვარი, 1945), ასევე ცნობილი როგორც მალხაზი — სომეხი ჯაზის შემსრულებელი, კომპოზიტორი და პიანისტი, სომხური ჯაზის სცენის ერთ-ერთი ფუძემდებელი და მალხასის ჯაზის კლუბის მფლობელი. [1]
| ლევონ მალხაზიანი | |
|---|---|
 | |
| დაიბადა | 1 იანვარი, 1945 ერევანი, სომხეთი, სსრკ |
| ეროვნება | სომეხი |
| საქმიანობა | მუსიკოსი, კომპოზიტორი, პიანისტი |
ადრეული ცხოვრება
რედაქტირებაცნობილი ჯაზის მუსიკოსი ლევონ მალხაზიანი დაიბადა 1945 წლის 1 იანვარს, ერევანში. მისი მამა, პარუირი, იყო ფურცლების ქარხნის დირექტორი და დედა, ნინა - რუსული ენის მასწავლებელი. მას ჰყავდა ძმა რობერტ მალხასიანი (1935-1955) და და ევგენია მალხასიანი (1938-2017).
მეოთხე კლასამდე ლევონ მალკაშიანი იყო 71 ე სკოლის მოსწავლე, შემდეგ გადავიდა მე-8 სკოლაში. სკოლაში სწავლის დროს, იყო სკოლის კალათბურთის გუნდის კაპიტანი. მან 15 წლის ასაკში დაიწყო ფორტეპიანოზე დაკვრა, თუმცა ოჯახში არავის ჰქონდა მუსიკალური შესაძლებლობები. 1962-1967 წლებში ლევონ მალხასიანი სწავლობდა ერევნის სახელმწიფო ლინგვისტური უნივერსიტეტში რუსული ენისა და ლიტერატურის ფაკულტეტზე, სადაც ის ასევე ხელმძღვანელობდა კალათბურთის გუნდს. [2] უნივერსიტეტის წლებში მან დრამერ არმენ ტუტუნჯაინთან (ცნობილია როგორც ჩიკო) და კონტრაბასისტ არტურ აბრაჰამიანთან ერთად დააარსა ჯაზის ტრიო სახელწოდებით "ლევონ მალხასიანის ტრიო", რომელიც იყო პირველი ჯაზ-ტრიო ერევანში . ჯგუფმა გამართა მცირე კონცერტები "კომპოზიტორთა კავშირის" საკონცერტო დარბაზში, ფილარმონიის დარბაზსა და სხვა ადგილებში. [3] რამდენიმე წლის შემდეგ სამეულს შეუერთდება საქსოფონისტი ალექსანდრე ზაქარიანი. [4]
კარიერა
რედაქტირება1968 წელს ჩატარებული საკავშირო ფესტივალის დროს მალკაშიანის გუნდმა მოიგო 1 პრიზი.[5] გარდა ამისა, ლევონ მალხაზიანმა მიიღო „საუკეთესო პიანისტის“ ტიტული, ხოლო ჯგუფმა მოიპოვა პრიზები კატეგორიებში „საუკეთესო დრამერი“ და „საუკეთესო საქსოფონისტი“. [6] 1972 წელს იაროსლავლის საკავშირო ფესტივალზე, ჯგუფმა კვლავ დაიკავა 1 ადგილი და მოიპოვა საუკეთესოს ტიტული ყველა კატეგორიაში. [7] მალკაშიანის გუნდი ასევე მონაწილეობდა სხვადასხვა ფესტივალებში: თბილისში, დონეცკში, მოსკოვში და სხვა. 1964 წლიდან 1980 წლამდე ლევონ მალხაზიანი მღეროდა სხვადასხვა რესტორნებში. 1980 წელს რესტორნებში მუშაობა შეწყვიტა. 1973 წლიდან 1980 წლამდე ლევონი უკრავდა სხვადასხვა ჯგუფებში, მათ შორისაა: „Krunk“, „Tziatzan“, „Serpentine“, და სხვა. „კრუნკის“ ჯგუფში ყოფნის დროს, აქსელ ბაკუნცთან ერთად, ლევონმა დაათვალიერა მთელი საბჭთა სოციალური რესპუბლიკის კავშირის ქვეყნები. 1980 წელს ლევონ მალხასიანმა დააარსა ჰენრიხ იგიტიანის ესთეტიკური ცენტრის პირველი ჯაზ ცენტრი, სადაც იმ პერიოდის თითქმის ყველა ცნობილი ჯაზის მუსიკოსი იკრიბებოდა კონცერტებზე დასასწრებად. 1985 წელს ლევონ მალხასიანის ორგანიზებით ჩატარდა პირველი სამდღიანი ჯაზ-ფესტივალი, რომელიც ჩატარდა ფილარმონიის საკონცერტო დარბაზში, ფესტივალში მონაწილეობდნენ საბჭოთა კავშირის 14 ქალაქის მუსიკოსები. 1986 წელს მან მოაწყო ჯაზ-პანორამა კონკურსი-ფესტივალი, რომლის მეშვეობითაც შეიკრიბა მუსიკოსები მთელი სსრკ-დან. 1996 წელს ლევონ მალხასიანმა მიიღო ნუშიკიანთა ასოციაციის მოწვევა კაფე „არაგასტში“. სამი დღის შემდეგ მან მოიწვია აქსელ ბაკუნცი, შემდეგ არმენ უსუნუნცი კვინტეტი, ხაჩიკ საჰაკიანი, ვაჰაგნ ჰაირაპეტიანი, რომ გაჰყოლოდნენ მას. გარკვეული პერიოდის შემდეგ მან გააცოცხლა კაფე და ის ჯაზ-კლუბად აქცია. ამის შემდეგ ლევონი იწყებს ფესტივალების ორგანიზებას. 1998 წელს გაიმართა ხუთდღიანი ჯაზის საერთაშორისო ფესტივალი, ერევნის ოპერის თეატრში. ამ ფესტივალში მონაწილეობა მიიღეს New York Voices-ის ჯაზ ორკესტრმა, ახალი ორლეანის და სხვა ქალაქების მუსიკოსებმა. 2000 წელს მან მოაწყო მომდევნო ჯაზ-ფესტივალი, მაგრამ ამჯერად ბევრად ფართომასშტაბიანი, ამ ღონისძიების სპეციალური სტუმარი იყო ცნობილი ჯაზის მეფე ჩიკ კორია. 2003 წელს ლევონ მალხასიანმა გამოუშვა თავისი პირველი დისკი. 2006 წელს მე-3 საერთაშორისო ჯაზ ფესტივალის დროს ერევანი მასპინძლობს „Earth, Wind, Fire“-ს, ერთ-ერთ ყველაზე ცნობილ ჯაზ-ჯგუფს მსოფლიოში. 2008 წელს ლევონ მალკასიანი „შარმთან“ ერთად აწყობს არაერთ ღონისძიებას, რომელიც მიეძღვნა სომხური ჯაზის 70 წლისთავს. ამ ერთწლიანი ფესტივალის ფარგლებში ერევანმა უმასპინძლა ცნობილ არტისტებს, მათ შორის არიან: ალ ჟარო, ჯო კოკერი, ჯორჯ ბენსონი, გეორგი გარანიანი, ტომა კატაშვილი, დათო ჯაფარაძე და მრავალი სხვა. ყოველ თვე ტარდებოდა ღონისძიება და იმ წელს აღინიშნა კონსტანტინე ორბელიანის 80 წლის იუბილეც.
ჯიდლოები
რედაქტირება| წელი | ჯილდო |
|---|---|
| 1999 წელი | სომხეთის რესპუბლიკის მოვსეს ხორენაცის მედალი [8] |
| 2003 წელი | ერევნის საპატიო მოქალაქე [8] |
| 2007 წელი | სომხეთის რესპუბლიკის ხელოვნების დამსახურებული მოღვაწე [8] |
| 2010 წელი | სომხეთის რესპუბლიკის კულტურის სამინისტროს ოქროს მედალი [8] |
| 2013 წელი | სომხეთის რესპუბლიკის სახალხო არტისტი [9] |
| 2017 წელი | მერცხლის მუსიკალური ჯილდოები |
სქოლიო
რედაქტირება- ↑ Armenia PM, wife attend concert dedicated to jazzman Levon Malkhasyan's 75th anniversary. Armenia News. ციტირების თარიღი: 2020-02-12
- ↑ Levon Malkhasyan.
- ↑ Jazz Trio Levon Malkhasyan.
- ↑ Nacht des Monats mit Levon Malkhasyan.
- ↑ Levon Malkhasyan, about Yerevan jazz and the image of the artist | www.aravot-en.am.
- ↑ ♫ Malkhas – Levon Malkhasyan. Listen @cdbaby. დაარქივებულია ორიგინალიდან — 2019-10-16. ციტირების თარიღი: 2021-10-04.
- ↑ President Serzh Sargsyan congratulates Levon Malkhasyan on his 70th birthday – Congratulatory telegrams – Updates – The President of the Republic of Armenia.
- ↑ 8.0 8.1 8.2 8.3 Լևոն Մալխասյան | Music of Armenia. დაარქივებულია ორიგინალიდან — 2019-08-14. ციტირების თარიღი: 2021-10-04.
- ↑ Լևոն Մալխասյանը՝ ՀՀ ժողովրդական արտիստ. "Սա անհատի կոչում չէ, սա ջազին տրված կոչում է".