ლევან შიუკაშვილი

ლევან (ლეო) ნიკოლოზის ძე შიუკაშვილი (დ. 25 მარტი, 1908, ახალციხე — გ. 5 იანვარი, 2000) — ქართველი საბჭოთა მევიოლინე და პედაგოგი, საქართველოს სსრ-ის სახალხო არტისტი (1979), სკკპ-ის წევრი 1951 წლიდან.

ლევან შიუკაშვილი
დაბადების თარიღი	25 მარტი, 1908 ახალციხე, რუსეთის იმპერია
გარდაცვალების თარიღი	5 იანვარი, 2000 (91 წლის)
ეროვნება	ქართველი
მოქალაქეობა	საქართველო
ალმა-მატერი	თბილისის კონსერვატორია მოსკოვის კონსერვატორია
საქმიანობა	მევიოლინე, პედაგოგი

1925 წელს დაამთავრა თბილისის კონსერვატორია (პროფესორ ვ. ვილშოუს კლასი), ხოლო 1933 წელს — მოსკოვის კონსერვატორია (პროფესორ ა. იამპოლსკის კლასი). წლების განმავლობაში ეწეოდა მრავალმხრივ საკონცერტო მოღვაწეობას, როგორც სოლისტი და სახელმწიფო სიმებიანი კვარტეტის მუსიკოსი (პირველი ვიოლინო). 1927 წლიდან პედაგოგია, 1933 წლიდან — თბილისის კონერვატორიაში მუშაობს, ხოლო 1950 წლიდან კი — ამავე კონსერვატორიის პროფესორია.

საქართველოს რადიოგადაცემებში, 1935-1952 წლებში, ძირითადად, თავის დასთან, პიანისტ ვანდა შიუკაშვილთან ერთად ასრულებდა ბეთჰოვენის, ბრამსის, შუმანის სონატებს და სხვა ნაწარმოებებს.

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 9.
• მუსიკის ენციკლოპედიური ლექსიკონი, გვ. 311, თბ., 2007.

რესურსები ინტერნეტში

• ლევან შიუკაშვილი — საქართველოს ბიოგრაფიული ლექსიკონი