კრისტრუნ ფროსტადოტირი
კრისტრუნ ფროსტადოტირი (ისლ. Kristrún Frostadóttir; დ. 12 მაისი, 1988, რეიკიავიკი, ისლანდია) — ისლანდიელი პოლიტიკოსი და ეკონომისტი, რომელიც 2024 წლის დეკემბრიდან ისლანდიის პრემიერ-მინისტრის თანამდებობას იკავებს და ამჟამად სოციალ-დემოკრატიული ალიანსის ლიდერია. ისლანდიის პარლამენტის, ალთინგის წევრია 2021 წლის საპარლამენტო არჩევნების შემდეგ.
| კრისტრუნ ფროსტადოტირი | |
 | |
| ისლანდიის პრემიერ-მინისტრი | |
|---|---|
| ამჟამინდელი თანამდებობა | |
| დაიკავა | 21 დეკემბერი, 2024 |
| პრეზიდენტი | ჰალა ტომასდოტირი |
| წინამორბედი | ბიარნი ბენედიქტსონი |
| დაბადებული | 12 მაისი, 1988 რეიკიავიკი, ისლანდია |
| მოქალაქეობა |  ისლანდია |
| პოლიტიკური პარტია | სოციალ-დემოკრატიული ალიანსი |
| მეუღლე | ეინარ ინგვარსონი |
| შვილები | 2 |
| განათლება | ისლანდიის უნივერსიტეტი ბოსტონის უნივერსიტეტი იელის უნივერსიტეტი |
ბიოგრაფია
რედაქტირებაკრისტრუნი დაიბადა რეიკიავიკში. მისი მშობლები არიან ეთნოგრაფი ფროსტი იოჰანსონი და ექიმი სტეინუნ გუდნი იონსდოტირი. მან დაამთავრა რეიკიავიკის კოლეჯი, მიიღო ბაკალავრის ხარისხი ისლანდიის უნივერსიტეტში, მაგისტრის ხარისხი საერთაშორისო კვლევებში იელის უნივერსიტეტში და ბოსტონის უნივერსიტეტში მიიღო მაგისტრის ხარისხი ეკონომიკაში.[1]
კარიერა
რედაქტირებამუშაობდა ჟურნალისტად ბიზნეს გაზეთში „ვიდსკიპტაბლადიდში“ და იყო არიონ ბანკის ანალიზის დეპარტამენტის თანამშრომელი. ამერიკული მულტინაციონალური ბანკის Morgan Stanley-ის სპეციალისტი, ჯერ ნიუ-იორკში და შემდეგ ლონდონში. 2017 წელს იგი იყო ისლანდიის სავაჭრო პალატის მთავარი ეკონომისტი, ხოლო 2018 წელს გახდა კვიკა ბანკის მთავარი ეკონომისტი. ამ თანამდებობაზე იმუშავა 2021 წლამდე, სანამ არ წარადგინა კანდიდატურა საპარლამენტო არჩევნებში სოციალ-დემოკრატიული ალიანსის სიით რეიკიავიკის სამხრეთ ოლქში.[2]
პოლიტიკური კარიერა
რედაქტირება2021 წლის საპარლამენტო არჩევნებში იგი სოციალ-დემოკრატიული ალიანსის რიგებიდან აირჩიეს ისლანდიის პარლამენტში.
2022 წელს მან წარადგინა საკუთარი კანდიდატურა სოციალ-დემოკრატიული ალიანსის ლიდერის თანამდებობაზე, სადაც კონკურენტი არ ჰყოლია.[3]
პირადი ცხოვრება
რედაქტირებაკრისტენი დაქორწინებულია ეინარ ინგვარსონზე. მათ ჰყავთ ორი შვილი, რომლებიც დაიბადნენ 2019 და 2023 წელს.[4]
სქოლიო
რედაქტირება- ↑ Kristrún Frostadóttir - Æviágrip
- ↑ Kristrún Frostadóttir sækist eftir sæti hjá Samfylkingunni
- ↑ Sigurðsson, Bjarki. (2022-08-19) „Ég veit að það er hægt að stjórna landinu betur“ - Vísir is. ციტირების თარიღი: 2024-12-22
- ↑ Kristrún Frostadóttir eignaðist aðra dóttur