კრიალოსანა

კრიალოსანა (ლათ. Hedysarum) — მცენარეთა გვარი პარკოსანთა ოჯახისა. მრავალწლოვანი, იშვიათად ერთწლოვანი ბალახები და ბუჩქბალახებია. მტევნისებრ ყვავილედებში თავმოყრილია მეტწილად ვარდისფერი, მეწამული და იისფერი ყვავილები. ნაყოფი კრიალოსნისებური პარკია.

კრიალოსანა
მეცნიერული კლასიფიკაცია
სამეფო:  მცენარეები კლასი:  ორლებნიანნი ოჯახი:  პარკოსნები გვარი:  კრიალოსანა
ლათინური სახელი
Hedysarum
სისტემატიკა ვიკისახეობებში სურათები ვიკისაწყობში ITIS   26722 NCBI   47034 EOL   27795 IPNI   30007304-2

150-მდე სახეობა გავრცელებულია ევრაზიის ზომიერ, იშვიათად არქტიკული ჰავის პირობებში, ჩრდილოეთ აფრიკასა და ჩრდილოეთ ამერიკაში. საქართველოში 7 სახეობა. იზრდება მთისწინეთიდან ალპურ სარტყლამდე — მეჩხერ ტყესა და ველზე, ტყის სარტყლის ველობებზე, ალპურ და სუბალპურ მდელოებზე, უფრო მეტად მშრალ ქვიან ფერდობებსა და მერგელურ ჩამონაზვავებზე.

საქართველოში ყველაზე ფართოდ გავრცელებულია კავკასიური კრიალოსანა (ლათ. Hedysarum caucasicum).

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 28.