კოლგუევი
კოლგუევი (რუს. Колгуев, ნენ. Холӈгов) — კუნძული ბერენცის ზღვის სამხრეთ-აღმოსავლეთ ნაწილში, რუსეთში, არხანგელსკის ოლქში (ნენთა ავტონომიური ოკრუგი). მდებარეობს კონტინენტიდან 80 კმ-ში. ფართობი დაახლ. 5,2 ათ. კმ², სიგრძე დაახლ. 90 კმ, სიგანე დაახლ. 60 კმ. სიმაღლე 173 მეტრამდე (მთა პაარკოვ-სარლოპი). სანაპირო ხაზი სუსტადაა დანაწევრებული. სამხრეთიდან და აღმოსავლეთიდან აკრავს ქვიშის ცელები — ტონკიე-კოშკი და ვოსტოჩნიე-კოშკი. ჭარბობს ბორცვიან-მორენული რელიეფი; ცენტრალურ ნაწილში კარგადაა შემონახული თოვლნარით გამომუშავებული ცალკეული სერები და ბორცვები. მრავლადაა ტბები (უდიდესი — პესჩანოე) და ჭაობები, პატარა მდინარეები და ნაკადულები. კლიმატი — ზომიერი კონტინენტური, ცივი, ზღვიურის თვისებებით. ყველაზე ცივი თვის (მარტი) საშუალო ტემპერატურაა 14 °С, ყველაზე თბილისა (აგვისტო) — 9 °С. ნალექები დაახლ. 350 მმ წელიწადში. დამახასიათებელია ევროპის არქტიკული ხავს-ლიქენიანი ტუნდრა, სამხრეთში — ბუჩქნარიანი ტუნდა. განვითარებულია მეირმეობა, თევზჭერა, ნადირობა და ბეწვის სარეწი. ნავთობის მოვოპება. დასახლებული პუნქტებია ბუგრინო და სევერნი. კუნძულის სახელი XVI–XVII საუკუნეების რუკებზე გვხვდება.
| მშობ. სახელი: Колгуев | |
|---|---|
 | |
| გეოგრაფია | |
| მდებარეობა | ბარენცის ზღვა |
| კოორდინატები | 69°01′09″ ჩ. გ. 49°21′46″ ა. გ. / 69.01917° ჩ. გ. 49.36278° ა. გ. |
| ფართობი | 5200 კმ² |
| სიგრძე | 90 კმ |
| სიგანე | 60 კმ |
| უმაღლესი წერტილი |
173 მ პაარკოვ-სარლოპი |
| ფედერაციის სუბიექტი | არხანგელსკის ოლქი |
| ავტონომიური ოკრუგი | ნენთა |
| დემოგრაფია | |
| მოსახლეობა | 436 (2011) |
| ეთნიკური ჯგუფები | ნენები, რუსები |
  | |
ლიტერატურა
რედაქტირება- КОЛГУЕВ // Большая российская энциклопедия. т. 14. — М., 2009. — стр. 460.