კოთელია

კოთელია — სოფელი ახალქალაქის მუნიციპალიტეტში, ახალქალაქის პლატოზე, ბაკურიან-ახალქალაქის საავტომობილო გზაზე. ზღვის დონიდან 1680 მეტრი, ახალქალაქიდან დაშორებულია 15 კმ-ით.

სოფელი
კოთელია
კოთელია. ეკლესიის სამხრეთი ფასადი
ქვეყანა	საქართველო
მხარე	სამცხე-ჯავახეთის მხარესამცხე-ჯავახეთის მხარე
მუნიციპალიტეტი	ახალქალაქის მუნიციპალიტეტი
თემი	კოთელია
კოორდინატები	41°31′38″ ჩ. გ. 43°28′48″ ა. გ.
ცენტრის სიმაღლე	1680 მ
ოფიციალური ენა	ქართული ენა
მოსახლეობა	441 კაცი (2014)
ეროვნული შემადგენლობა	ქართველები 97 % სომხები 3 %
სასაათო სარტყელი	UTC+4
კოთელია ვიკისაწყობში

დემოგრაფია

2014 წლის აღწერის მონაცემებით სოფელში ცხოვრობს 441 ადამიანი.

აღწერის წელი	მოსახლეობა	კაცი	ქალი
2002	490
2014	441	241	200

ეკლესია

სოფელ კოთელიაში დგას შუა საუკუნეების დარბაზული ტიპის ეკლესია. იგი ახალქალაქიდან 15 კილომეტრითაა დაშორებული. ზღვის დონიდან 1680 მეტრზე. ეკლესიის სახურავის დასავლეთ კეხზე დადგმულია სამრეკლო. ეკლესიის ფასადები მოპირკეთებულია მოწითალო ფერის ანდეზიტის კვადრებით. სამხრეთისა და დასავლეთის ფასადზე გვხვდება მოკვეთილი ჯვრები. სამხრეთ შესასვლელი ამჟამად ამოქოლილია. სამხრეთისავე ფასადზე ჩადგმულია ნაცრისფერი ქვა, რომელზეც მხედრული წარწერაა. წარწერაში მოხსენიებულია აღმშენებელი ქიშვად ავალიშვილი. ნიკო ბერძენიშვილი ამ წარწერას ასე კითხულობს:

„ქ. ამა წმიდისა კვირიკესა საყდრისა აღმშენებელსა ქიშვადს და თანამცხედრესა მეფისა ასულსა თამარს შეუნდნეს ღმერთმან. გულბადსა და მისაა მეცხედრესა მზექალს შეუნდოს ღმერთმან.“

ხელწერის მიხედვით იგი წარწერას XV-XVI საუკუნეებით ათარიღებს. XIX საუკუნეში ეკლესიაზე ოთხსვეტიანი სამრეკლო დაუშენებიათ.

ფოტოგალერეა

• 
  კოთელია. ეკლესიის ჩრდილოეთის კედელი
• 
  საფლავის ქვა მხედრული წარწერით
• 
  მხედრული წარწერა სამხრეთ კედელზე
• 
  სარკმელი ბარელიეფური გამოსახულებით
• 
  ეკლესია. შესასვლელი. დასავლეთის კედელი
• 
  ეკლესიის ხედი სამხრეთ–დასავლეთიდან

ლიტერატურა

• ხარაძე კ. ჯავახეთის ხუროთმოძღვრული და ბუნების ძეგლები, გვ. 29, თბ., 2003

• ქართული საბჭოთა ენციკლოპედია, ტ. 5, თბ., 1980. — გვ. 574.