კლდისდუმა

კლდისდუმა (ლათ. Sedum) — მცენარეთა გვარი მსუქანასებრთა ოჯახისა. ბალახები, ნახევრად ბუჩქები ან ბუჩქებია. აქვთ წვნიანი ან ხორცოვანი ფოთლები.

კლდისდუმა
Sedum acre და Sedum telephium
მეცნიერული კლასიფიკაცია
სამეფო:  მცენარეები კლასი:  ორლებნიანნი ოჯახი:  მსუქანასებრნი გვარი:  კლდისდუმა
ლათინური სახელი
Sedum
სისტემატიკა ვიკისახეობებში სურათები ვიკისაწყობში ITIS   24103 NCBI   3784 EOL   32579 IPNI   12241-1

500-მდე სახეობა იზრდება ჩრდილოეთ ნახევარსფეროს ზომიერ სარტყელში, უმეტესად ევრაზიაში, რამდენიმე — სამხრეთ აფრიკასა და სამხრეთ ამერიკაში. საქართველოში 15-მდე სახეობაა. სახეობების მეტი წილი სუბალპურ და ალპური სარტყლის ქვიან და კლდოვან ადგილებზე იზრდება. ხშირად გვხვდება მწვავე ფუნთუშა (ლათ. Sedum acre), რომელიც პატარა და ფხვიერ კორდებს ქმნის.

თაფლოვანია (მისი ფოთლების წვენი კანს წვავს და აწითლებს) კავკასიური კლდისდუმა (ლათ. Sedum caucasicum), აგრეთვე ფუნთუშა (ლათ. Sedum pallidum), მსუქანა (ლათ. Sedum stoloniferum) და სხვა. კლდისდუმას ბევრი სახეობა დეკორატიულია. აშენებენ ბაღებში, ზოგს — ოთახებსა და ორანჟერეებში. იყენებენ კლდოვანი და ქვიანი ადგილების გასამწვანებლად.

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 553.