კენეთ ბრანა

სერ კენეთ ჩარლზ ბრანა (ინგლ. Sir Kenneth Charles Branagh; /ˈbrænə/; დ. 10 დეკემბერი, 1960) — ჩრდილოეთ ირლანდიელი მსახიობი, რეჟისორი, პროდიუსერი და სცენარისტი. 2015 წლიდან დრამატული ხელოვნების სამეფო აკადემიის პრეზიდენტი.

კენეთ ბრანა
კენეთ ბრანა 2011 წელს
მშობლიური სახელი	Kenneth Branagh
დაბადების სახელი	კენეთ ჩარლზ ბრანა
დაბადების თარიღი	10 დეკემბერი, 1960 (1960-12-10) ბელფასტი, ჩრდილოეთი ირლანდია
მოქალაქეობა	გაერთიანებული სამეფო
ალმა-მატერი	დრამატული ხელოვნების სამეფო აკადემია
საქმიანობა	მსახიობი რეჟისორი პროდიუსერი სცენარისტი
აქტიური	1981-დღემდე
მეუღლე(ები)	ემა ტომპსონი  (იქ. 1989; განქ. 1995) ლინდსი ბრანოკი  (იქ. 2003)
პარტნიორ(ებ)ი	ჰელენა ბონემ კარტერი (1994–1999)

გადაღებული აქვს უილიამ შექსპირის ნაწარმოებების რამდენიმე კინოადაპტაცია: „ჰენრი V (1989) (რისთვისაც მიიღო ოსკარის ორი ნომინაცია), „აურზაური არაფრის გამო“ (1993), „ოტელო“ (1995), „ჰამლეტი“ (1996) (რისთვისაც მიიღო ოსკარის ნომინაცია საუკეთესო ადაპტირებული სცენარისთვის) „ამაო გარჯა სიყვარულისას“ (2000), „ისე როგორც შენ გიყვარს“ (2006). აგრეთვე რეჟისორია ფილმებისა: „გედის სიმღერა“ (1992), „მერი შელის ფრანკენშტეინი“ (1994), „მაგიური ფლეიტა“ (2006), „გამომძიებელი“ (2007), „თორი“ (2011), „ჯეკ რაიანი: ქაოსის თეორია“ (2014), „კონკია“ (2015), „მკვლელობა აღმოსავლეთ ექსპრესში“ (2017).

როგორც მსახიობი მონაწილეობდა სხვადასხვა ფილმებსა და ტელესერიალებში: „ომის ფორტუნა“ (1987), „პოპულარობა“ (1998), „ველური, ველური დასავლეთი“ (1999), „შეთქმულება (2001), „გზა ელდორადოსაკენ“ (2000), „ჰარი პოტერი და საიდუმლო ოთახი“ (2002), „სითბოს სათავეები“ (2005), „ვალკირია (2008), „როკ–ტალღა“ (2009), „ვალანდერი“ (2008–2016), „ერთი კვირა მერლინთან“ (2011) და „დიუნკერკი“ (2017).

არის ემის და BAFTA-ს ლაურეატი (სამი ნომინაციიდან), ოქროს გლობუსის და აკადემიის ჯილდოს ხუთ-ხუთ გზის ნომინანტი. 2012 წლის 9 ნოემბერს მიენიჭა რაინდი-ბაკალავრის წოდება.

ლიტერატურა

• Kenneth Branagh (1990) Beginning, London: Chatto and Windus, ISBN 0-7011-3388-0; New York: W. W. Norton & Co, ISBN 0-393-02862-3.
• Ian Shuttleworth (1994) Ken & Em, London: Headline. ISBN 0-7472-4718-8.
• Mark White (2005) Kenneth Branagh, London: Faber and Faber. ISBN 0-571-22068-1.

რესურსები ინტერნეტში

• შეგიძლიათ იხილოთ მედიაფაილები თემაზე „კენეთ ბრანა“ ვიკისაწყობში.
• კენეთ ბრანა კინოფილმების ინტერნეტ-მონაცემთა ბაზაში
• კენეთ ბრანას ბიოგრაფია საიტზე Tiscali film section
• ინტერვიუ კენეთ ბრანასთან (1996)
• Branagh Collection at Queen's University, Belfast
• Renaissance Theatre Company Archive, Shakespeare Institute, University of Birmingham