კალასინი( ტაი. กาฬสินธุ์ ) — ტაილანდის სამოცდათექვსმეტი პროვინციიდან (ჩანვატი) ერთ- ერთი. მდებარეობს ტაილანდის ზედა ჩრდილო-აღმოსავლეთ ნაწილში, რომელსაც ასევე უწოდებენ ისანს . პროვინცია შეიქმნა ჩაგვატ კალასინის აქტის საფუძველზე, რომლის ნომერია 2490. იგი ძალაში შევიდა 1947 წლის 1 ოქტომბერს. მეზობელი პროვინციებია (ჩრდილოეთიდან საათის ისრის მიმართულებით) საკონი ნახონი, მუკდაჰანი, როი ეტი, მაჰა სარაჰამი, ხონ კაენი და უდონ თანი .

პროვინცია
კალასინის პროვინცია
ტაი. กาฬสินธุ์
Kalasin Province Stadion.jpg
დროშა გერბი
Flag Karasin Province.png Seal Kalasin.png


เมืองฟ้าแดดสงยาง โปงลางเลิศล้ำ วัฒนธรรมผู้ไทย ผ้าไหมแพรวา ผาเสวยภูพาน มหาธารลำปาว ไดโนเสาร์สัตว์โลกล้านปี
ქვეყანა ტაილანდის დროშა ტაილანდი
ადმ. ცენტრი Kalasin
შიდა დაყოფა Mueang Kalasin, Na Mon, Kamalasai, Rong Kham, Kuchinarai, Khao Wong, Yang Talat, Huai Mek, Sahatsakhan, Kham Muang, Tha Khantho, Nong Kung Si, Somdet, Huai Phueng, Sam Chai, Na Khu, Don Chan და Khong Chai
კოორდინატები 16°25′57″ ჩ. გ. 103°30′25″ ა. გ. / 16.43250° ჩ. გ. 103.50694° ა. გ. / 16.43250; 103.50694
ფართობი 6 947 კმ²
მოსახლეობა 985 346 კაცი (2018)
სიმჭიდროვე 142 კაცი/კმ²
სასაათო სარტყელი UTC+7
სატელეფონო კოდი 043
საფოსტო ინდექსი 46
ოფიციალური საიტი kalasin.go.th
Thailand Kalasin locator map.svg

გეოგრაფიარედაქტირება

 
მოტოციკლეტზე დამაგრებულ დახმზე მოვაჭრე კალასინში

პროვინციის უმეტესი ნაწილი ბორცვებით არის დაფარული. ქალაქი კალასინი 152 მ სიმაღლეზე მდებარეობს.[1] კალასინის ჩრდილოეთით ლამ პაოს კაშხალია აშენებული 1963-1968 წლებში. კაშხალი 1430 მილიონი კუბური მეტრის მოცულობის წყალს მოიცავს, რომელიც მეტწილად სოფლის მეურნეობისთვის გამოიყენება. ლამ პაოს წყალსაცავი ეფექტურად ჰყოფს პროვინციის ჩრდილოეთ ნაწილს შუაზე, მაგრამ არსებობს გაყვანილობები, რომლებიც აღმოსავლეთით საჰაცახანის რაიონს აკავშირებს და დასავლეთით მდებარე ნონგ კუნგ სის რაიონთან, რაც საავტომობილო მოგზაურობის დროს 1 საათით ამცირებს. წყალსაცავზე ხიდი მდებარეობს, რომელიც სოფელ ბან დონგ ბანგს აღმოსავლეთით მდებარე რაიონის მცირე ქალაქ ვანგ სამ მოსთან აკავშირებს. მიუხედავად იმისა, რომ ხიდი აშენდა რამდენიმე წლის წინ (2000 წლამდე), იგი არ არის ნაჩვენები (2006 წ.) არც ერთ კომერციულ საგზაო რუკაზე.

ფუ ფანის მთიანეთი წარმოადგენს საზღვარს სახონ ნახონის პროვინციასთან, რომლის ნაწილი დაცულია როგორც ეროვნული პარკი.

კალასინი ცნობილია დინოზავრის ნამარხებით, რომლებიც ნაპოვნია ფუ კუმ ხაოში (საჰაცახანის რაიონი), დინოზავრების ნაშთების უდიდეს ობიექტზე ტაილანდში. ნაშთების უმეტესი ნაწილი 120 მილიონი წლის წინანდელ ზაუროპოდებს წარმოადგენს.

ეკონომიკარედაქტირება

კალასანის პროვინციის მთავარი შემოსავალი სოფლის მეურნეობაზეა დამოკიდებული. აქ აწარმოებენ წებოვან ბრინჯს, ასევე მანიოკს (კასავა) და შაქრის ლერწამს. პროვინციაში მცხოვრები ოჯახები, ძირითადად, ღარიბები არიან და თავს კალათების დაწვნითა და აბრეშუმის წარმოებით ირჩენენ თავს. ამ ფაქტმა პროვინციას აღნიშნულ ინდუსტრიებში პოპულარობა მოუტანა.

ისტორიარედაქტირება

არქეოლოგიური გათხრების შედეგად დადგინდა, რომ ლაუას ტომი ამ მიდამოებში დაახლოებით 1600 წლის წინ ცხოვრობდა. პირველი ოფიციალური ქალაქი დაარსდა 1793 წელს.

მე –20 საუკუნის დასაწყისში მეფე რამა V– ის მეფობის დროს თესაფიბანის რეფორმების დროს ქალაქი (მუეანგი) პროვინციად გადაკეთდა . 1932 წელს, როდესაც ქვეყანამ დიდი ეკონომიკური დეპრესია განიცადა, მაჰა სარაჰამის პროვინციამ პროვინცია დაასუსტა და დაიპყრო. [2] კალასინი მაჰა სარახამიზე იყო დამოკიდებული 16 წლის განმავლობაში. დიდი რეცესიისა და მეორე მსოფლიო ომის შემდეგ, იგი კვლავ გახდა პროვინცია 1947 წელს. [3]

სიმბოლოებირედაქტირება

პროვინციის გერბზე გამოსახულია წყლით სავსე ღრმული ფუ ფანის მთების პირდაპირ. ფუ ფანის მთები პროვინციის საზღვარს წარმოადგენს. ღრმულში წყალი შავია, რადგან სახელი კალასინი ნიშნავს ,,შავ წყალს". დიდი ღრუბლები და წყალი პროვინციის ნაყოფიერების სიმბოლოა.

პროვინციული ლოგო და ღირშესანიშნაობაა ფრა თატ იახუ, რვაკუთხა ფორმის ჩედი, რომელიც აგურითაა ნაგები.

პროვინციული ყვავილი არის პაიორმი ან ტკბილი შორეა ( Shorea roxburghii), ხოლო პროვინციული ხე სა-მაე-სანია (Cassia garrettiana).

პროვინციული ლოზუნგია: ფა დაეტ სონგ იანგის უძველესი ქალაქი, პონგ ლანგის ხალხური მუსიკა, ფუ თაის კულტურა, ფრაე ვას აბრეშუმი, ფა სავეოი ფუ ფანი, მდინარე ლამ პაო და მილიონწლიანი დინოზავრები .

ადმინისტრაციული დაყოფარედაქტირება

პროვინციის მთავრობარედაქტირება

 
18 ოლქის რუკა

პროვინცია დაყოფილია 18 ოლქად ( ამფოები ). ოლქები შემდგომში იყოფა 134 ქვე- ოლქად ( ტამბონები ) და 1,509 სოფლად ( მუბანებად ).

  1. მუეანგ კალასინი
  2. ნა მონი
  3. კამალასაი
  4. რონგ ხამი
  5. კუჭინარაი
  6. ხაო ვონგი
  7. იანგ ტალატი
  8. ჰუაი მექ
  9. საჰაცახანი
  1. ყამ მუანგი
  2. თა ხანტო
  3. ნონგ კუნგ სი
  4. სომდეტი
  5. ჰუაი ფუენგი
  6. სემ ჩაი
  7. ნა ხუ
  8. დონ ჩანი
  9. ხონგი ჩაი

ადგილობრივი მთავრობარედაქტირება

2019 წლის 26 ნოემბრისთვის არსებობს: [4] ერთი კალასინის პროვინციული ადმინისტრაციული ორგანიზაცია და 79 მუნიციპალური სახის ოლქი პროვინციაში. კალასინსა და ბუა ხაოს აქვთ მცირე ქალაქის სტატუსი. არსებობს 77 ქვეგანყოფილების მუნიციპალიტეტი. არა მუნიციპალური რაიონების ადმინისტრაციას მართავს 71 ქვეგანყოფილების ადმინისტრაციული ორგანიზაცია - SAO

ადამიანის მიღწევების ინდექსი 2017 წრედაქტირება

ჯანმრთელობა Განათლება დასაქმება შემოსავალი
       
31 59 19 72
საცხოვრებელი ოჯახი ტრანსპორტი Მონაწილეობა
     
10 20 69 23

2003 წლიდან, გაეროს განვითარების პროგრამამ (UNDP) ტაილანდში პროგრესი განიცადა. აქ ადამიანის გავითარება ქვე-ეროვნულ დონეზე ხდება, რომელიც მოიცავს ადამიანის განვითარების რვავე ძირითად სფეროს. ეკონომიკური და სოციალური განვითარების ეროვნულმა საბჭომ ცალკეულ პროვინციების განვითარებაზე (NESDB) პასუხისმგებლობა 2017 წლიდან აიღო.[5]

რანგი კლასიფიკაცია
1 - 15 ,,მაღალი"
16 - 30 ,,გარკვეულწილად მაღალი"
31 - 45 ,,საშუალო"
45 - 60 ,,გარკვეულწილად დაბალი"
61 - 77 ,,დაბალი"

რესურსები ინტერნეტშირედაქტირება


სქოლიორედაქტირება

  1. "Elevation of Kalasin,Thailand Elevation Map, Topo, Contour". FloodMap. Retrieved 26 December 2017.
  2. พระบรมราชโองการ ประกาศ ยุบรวมท้องที่บางมณฑลและบางจังหวัด (PDF). Royal Gazette (in Thai). 48 (0 ก): 576–578. 1932-02-21.
  3. พระราชบัญญัติจัดตั้งจังหวัดกาฬสินธุ์ พ.ศ. ๒๔๙๐ (PDF). Royal Gazette (in Thai). 64 (36 ก): 516–517. 1947-08-12.
  4. "Number of local government organizations by province". dla.go.th. Department of Local Administration (DLA). 26 November 2019. Retrieved 10 December 2019. 3 Kalasin: 1 PAO, 2 Town mun., 77 Subdistrict mun., 71 SAO
  5. Human achievement index 2017 by National Economic and Social Development Board (NESDB), pages 1-40, maps 1-9, retrieved 14 September 2019, ISBN 978-974-9769-33-1