თორტიზა

თორტიზა — მთა საქართველოში, სამცხე-ჯავახეთის მხარეში, ბორჯომის მუნიციპალიტეტში. მდებარეობს თრიალეთის ქედის ჩრდილო-დასავლეთი განშტოება გვირგვინას ქედზე, მდინარეების ძამისა და გუჯარეთისწყლის წყალგამყოფზე. სიმაღლე ზღვის დონიდან 1996 მ. აგებულია პალეოცენ-ეოცენური კირქვებით, თიხებითა და ქვიშაქვებით. ხევებით დასერილი ციცაბო კალთა ქვევით შემოსილია წიფლის, ხოლო ზევით — წიფლნარ-მუქწიწვიანი ტყეებით. მწვერვალზე მეორეული მდელოა.

თორტიზა
თორტიზა, ხედი სოფ. მზეთამზიდან
კოორდინატები: 41°50′06″ ჩ. გ. 43°28′34″ ა. გ.
ქვეყანა	საქართველო
ტერიტორიული ერთეული	ბორჯომის მუნიციპალიტეტი
სიმაღლე	1996 მ
ქედი	გვირგვინას ქედი
ამგებელი ქანები	კირქვა, თიხა და ქვიშაქვა
სურათები ვიკისაწყობში

ლიტერატურა

• ჯაყელი ქ., ენციკლოპედია „საქართველო“, ტ. 4, თბ., 2018. — გვ. 96.