თეიმურაზ ჭკუასელი (ბიოლოგი)

თეიმურაზ ჭკუასელი (დ. 20 იანვარი, 1925, თბილისი — გ. 2007) — ქართველი ბიოლოგი, მცენარეთა ფიზიოლოგი. ბიოლოგიურ მეცნიერებათა დოქტორი (1966), პროფესორი (1971).

1974 წლიდან იყო საქართველოს სსრ მეცნიერებათა აკადემიის ცენტრალური ბოტანიკური ბაღის მცენარეთა ფიზიოლოგიური ლაბორატორიის ხელმძღვანელი. შეისწავლა ვაზის ფესვური კვების ფიზიოლოგია. აქვს გამოკვლევები ვაზის ქლოროზის საკითხებზე. სწავლობდა მცენარეთა ადაპტაციის საკითხებს თბილისის პირობებში მცენარეთა ინტროდუქციასთან დაკავშირებით.

ჯილდოები

• 1979 — საქართველოს სსრ მეცნიერებათა დამსახურებული მოღვაწე

ბიბლიოგრაფია

• ფესვური კვების ფიზიოლოგია, თბ.: „განათლება“, 1974. — 334 გვ.

ლიტერატურა

• შარაშიძე ნ., ქართული საბჭოთა ენციკლოპედია, ტ. 11, თბ., 1987. — გვ. 404.

რესურსები ინტერნეტში

• თეიმურაზ ჭკუასელი — საქართველოს ბიოგრაფიული ლექსიკონი