თავსახნისი

თავსახნისი — მთა საქართველოში, აჭარის ავტონომიური რესპუბლიკის ხულოს მუნიციპალიტეტში. მდებარეობს არსიანის ქედის ჩრდილო-დასავლეთ შტოქედ — შერთულის ქედ­ზე, მდინარე აჭარისწყლის ­მარცხენა შენაკადის — ჩირუხისწყლის სათავეებში. სიმაღლე ზღვის დონიდან 2597 მ. აგებულია ნეოგენური ვულკანოგენური ქანებით (გოდერძის წყება). თავსახნისის სამხრეთი და აღმოსავლეთი კალთები დამრეცია, დანარჩენი — ციცაბო. დაფარულია სუბალპური ბალახეულით.

თავსახნისი
კოორდინატები: 41°28′52″ ჩ. გ. 42°29′23″ ა. გ.
ქვეყანა	საქართველო
ტერიტორიული ერთეული	ხულოს მუნიციპალიტეტი
სიმაღლე	2597 მ
ქედი	შერთულის ქედი

ლიტერატურა

• დავით უკლება, ენციკლოპედია „საქართველო“, ტ. 3, თბ., 2014. — გვ. 445.