ზორბეგ ებრალიძე
ზორბეგ ებრალიძე (დ. 20 სექტემბერი, 1944, ლანჩხუთი, საქართველოს სსრ) — ქართველი და საბჭოთა ფეხბურთელი და ფეხბურთის მწვრთნელი, თამაშობდა მცველის პოზიციაზე. იცავდა ლანჩხუთის „გურიას“, ქუთაისის „ტორპედოს“ და თბილისის „დინამოს“ ღირსებას. საბჭოთა კავშირის ჩემპიონატის სამგზის ბრინჯაოს პრიზიორი და საბჭოთა კავშირის თასის მფლობელი (1976) თბილისის „დინამოს“ შემადგენლობაში. საბჭოთა კავშირის სპორტის ოსტატი (1966), საქართველოს სსრ დამსახურებული მწვრთნელი (1983).[1]
 | |||
| პირადი მონაცემები | |||
|---|---|---|---|
| სრული სახელი | ზორბეგ ებრალიძე | ||
| დაბადების თარიღი | 20 სექტემბერი, 1944 | ||
| დაბადების ადგილი |
ლანჩხუთი, საქართველოს სსრ, სსრ კავშირი | ||
| სიმაღლე | 178 სმ | ||
| სათამაშო პოზიცია | მცველი | ||
| ახალგაზრდული კარიერა | |||
| 1963–1964 | გურია ლანჩხუთი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1965–1970 | ტორპედო ქ. | 139 | (1) |
| 1971–1976 | დინამო თბ. | 131 | (5) |
| სამწვრთნელო კარიერა | |||
| 1981 | ლოკომოტივი თბილისი | ||
| 2011–2012 | ნორჩი დინამოელი | ||
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
კარიერა რედაქტირება
ფეხბურთის თამაში დაიწყო 1956 წელს ლანჩხუთის საფეხბურთო სკოლაში მწვრთნელ იოსებ ჟორდანიას ხელმძღვანელობით. 1963–1964 წლებში ლანჩხუთის „გურიას“, 1965–1970 წლებში კი ქუთაისის „ტორპედოს“ რიგებში ასპარეზობს, სადაც საბჭოთა კავშირის ჩემპიონატის უმაღლესი ლიგის 139 შეხვედრაში იცავს ამ კლუბის ღირსებას. 1971 წლიდან თბილისის „დინამოშია“. იმავე წელს „დინამოს“ მაისურით ქვეყნის პირველობის 20 შეხვედრაში გამოდის საფეხბურთო მინდორზე. ამას გარდა, საკავშირო თასის გათამაშების სამ მატჩშიც იღებს მონაწილეობას. გუნდთან ერთად თავის სადებიუტო სეზონშივე საკავშირო ჩემპიონატის ბრინჯაოს პრიზიორი ხდება. მომდევნო წელს ჩემპიონატის თხუთმეტ, ხოლო თასის გათამაშების სამ მატჩში იცავს თბილისელთა ღირსებას და კიდევ ერთხელ ეუფლება ქვეყნის ჩემპიონატის ბრინჯაოს მედლებს.
1973 წელს თბილისის „დინამოს“ შემადგენლობაში საერთაშორისო ამხანაგური საფეხბურთო ტურნირის ე. წ. „კარაველას თასის“ — ტროფეო კოლომბინოს (ესპ. Trofeo Colombino de fútbol) გამარჯვებული ხდება, სადაც ტურნირის ფინალში თბილისის „დინამოელები“ ლისაბონის „ბენფიკას“ ანგარიშით 3–1 ამარცხებენ.[2][3][4][5]
ზორბეგ ებრალიძემ თბილისის „დინამოს“ შემადგენლობაში უმაღლესი ლიგის საკავშირო ჩემპიონატების 131 მატჩი ჩაატარა და 5 გოლი გაიტანა, ხოლო ევროპული საერთაშორისო საფეხბურთო ტურნირების ფარგლებში „დინამოს“ ღირსება 10 შეხვედრაში დაიცვა და ერთი ბურთი გაიტანა, აქედან სამი შეხვედრა — თასების მფლობელთა თასის, ხოლო 7 — უეფა-ს თასის გათამაშებაში. აღსანიშნავია, რომ ორი მატჩის გარდა, მან ყველა ეს შეხვედრა შეუცვლელად ითამაშა.
მიღწევები რედაქტირება
საკლუბო რედაქტირება
.svg){kind=small}
- კარაველას თასი
- თასის მფლობელი: 1973 [7]
ლიტერატურა რედაქტირება
- ბერიშვილი, ელგუჯა (2013). ქართული სპორტის ოქროს წიგნი. თბ.: პალიტრა L.
- თედორაძე, ზურაბ (2002). თბილისის „დინამო“ : ციფრები, ფაქტები, კომენტარები, 1936–1989. თბ..
- თედორაძე, ზურაბ (1999). თბილისის „დინამო“ ციფრებში, 1936–1989. თბ.: სტამბა–96.
- აკოფოვი, გარუნ (1976). ფეხბურთი — 76 : (ცნობარი–კალენდარი ). თბ.: საქ. კპ ცკ-ის გამ-ბა.
- აკოფოვი, გარუნ (1975). ფეხბურთი — 75 : (ცნობარი–კალენდარი ). თბ.: საქ. კპ ცკ-ის გამ-ბა.
- აკოფოვი, გარუნ (1974). ფეხბურთი — 74 : (ცნობარი–კალენდარი ). თბ.: საქ. კპ ცკ-ის გამ-ბა.
- აკოფოვი, გარუნ (1972). ფეხბურთი — 72 : (ცნობარი–კალენდარი ). თბ.: საქ. კპ ცკ-ის გამ-ბა.
პერიოდიკა რედაქტირება
- დოლიძე, ბეჟან., „კარაველას“ რაინდები // გაზ. „საქართველოს რესპუბლიკა“, 22 აგვისტო, 2013, № 160 (7287), გვ. 10.
რესურსები ინტერნეტში რედაქტირება
- ზორბეგ ებრალიძე — საქართველოს ბიოგრაფიული ლექსიკონი
- ზორბეგ ებრალიძე — ბიოგრაფიული ლექსიკონი
- თბილისის „დინამოს“ ოფიციალური საიტი
- ციფრული ფოტომატიანე „ივერიელი“
- FootballFacts.ru · Football.lg.ua · КЛИСФ
- FCDinamo.ge · MagyarFutball.hu · Dinamo-Tbilisi.ru დაარქივებული 2021-04-18 საიტზე Wayback Machine. · sport-strana.ru
- ვიზიტი ვეტერანთან — ზორბეგ ებრალიძე
სქოლიო რედაქტირება
- ↑ რედ. (4 მაისი, 1983). „წოდებათა მინიჭება“ (PDF). nplg.gov.ge. თბ.: „ლელო“, № 85 (7396), გვ. 2. ციტირების თარიღი: 30 დეკემბერი, 2021. შეამოწმეთ თარიღის პარამეტრი
|access-date=და|date=-ში (დახმარება) - ↑ კარაველას თასი. fcdinamo.ge (19 აგვისტო, 2013). ციტირების თარიღი: 29 დეკემბერი, 2021.
- ↑ Trofeo Colombino (Huelva-Spain) 1965-2019. RSSSF (5 მარტი, 2020). ციტირების თარიღი: 29 დეკემბერი, 2021.
- ↑ Динамо (Тбилиси) – Бенфика (Лиссабон, Португалия) 3–1. fc-dynamo.ru (2 თებერვალი, 2016). ციტირების თარიღი: 29 დეკემბერი, 2021.
- ↑ IX Trofeo Colombino de fútbol. dinamo-tbilisi.ru. ციტირების თარიღი: 29 დეკემბერი, 2021.
- ↑ Протоколы кубка СССР 1976 года Динамо (Тбилиси). წაკითხვის თარიღი: 29 დეკემბერი, 2021.
- ↑ თბილისის „დინამო“ კარაველას თასს დაეუფლა — ეროვნული ფოტომატიანე. სურათზე მარცხნიდან: კახი ასათიანი, დავით ყიფიანი, რევაზ ძოძუაშვილი, ფირუზ კანთელაძე და ვახტანგ ჭელიძე. 19 აგვისტო, 1973. წაკითხვის თარიღი: 29 დეკემბერი, 2021.