ზენდაია
ზენდაია კოულმანი (ინგლ. Zendaya Coleman; დ. 1 სექტემბერი, 1996)[1] — ამერიკელი მსახიობი და მომღერალი. ცნობილია როგორც ზენდაია. მან თავისი სამოდელო კარიერა ბავშვობის ასაკში დაიწყო, იყო მოცეკვავე, სანამ დისნეის სატელევიზიო სერიალში, „Shake It Up“-ში როკი ბლუს როლს ითამაშებდა. სერიალში მონაწილეობდა 2010 წლიდან 2013 წლამდე. 2013 წელს იგი „Dancing with the Stars“-ის მე-16 სეზონის მონაწილე იყო. 2015 წლიდან 2018 წლამდე ამერიკულ კომედიურ სატელევიზიო სერიალში, „K.C. Undercover“-ში, კ. ს. კუპერის როლს ასრულებდა, ხოლო 2019 წელს მთავარი როლის შესრულება დაიწყო HBO-ს დრამა სერიალ „ეიფორია“-ში. იგი გადაღებულია რამდენიმე ფილმში, მათ შორისაა: 2017 წლის მიუზიკლი „დიდებული შოუმენი“, „ადამიანი ობობა: დაბრუნება“ (2017), „ადამიანი ობობა: შინიდან შორს“ (2019), „დიუნი“ (2021).
| ზენდაია | |
|---|---|
 ზენდაია 2019 წელს, ფილმის „სპაიდერმენი: შინიდან შორს“ პრემიერაზე | |
| დაბადების თარიღი |
1 სექტემბერი, 1996 ოკლენდი, კალიფორნია, აშშ |
| ეროვნება | ამერიკელი |
| მოქალაქეობა |
 აშშ |
| საქმიანობა |
|
| აქტიური | 2009-დღემდე |
| საიტი | zendaya.com |
| ხელმოწერა |
 |
ზენდაიამ თავისი მუსიკალური კარიერა სიმღერების ჩაწერით დაიწყო, მოგვიანებით მან გამოუშვა სინგლები: „Swag It Out“, და „Watch Me“. 2011 წელს იგი თანამშრომლობდა ამერიკელ მომღერალთან, მოდელთან და მსახიობთან ბელა ტორნისთან. 2012 წელს იგი გაწევრიანდა „Hollywood Records“-ში, ხოლო მოგვიანებით გამოუშვა სინგლი „Replay“, რომელმაც ამერიკაში „Billboard Hot 100“-ზე მე-40 ადგილი დაიკავა, ხოლო 2013 წელს, „Billboard 200“-ზე 51-ე ადგილზე გავიდა. მისი ჩაწერილი სიმღერა „Rewrite the Stars“ გამოყენებული იქნა ფილმის, „დიდებული შოუმენის“ საუნდტრეკად, რომელიც მოგვიანებით სინგლად გამოუშვეს.
მსახიობი მონაწილეობას იღებდა „Macy“-ს, „Mervyns“-ის, „Old Navy“-ის სარეკლამო კამპანიებში. მოგვიანებით, ზენდაია ამერიკელ მომღერალთან და მსახიობთან სელენა გომესთან ერთად სარეკლამო კამპანიაში გამოჩნდა.
ადრინდელი ცხოვრება რედაქტირება
კოულმანი 1996 წლის 1 სექტემბერს ოაკლენდში, კალიფორნიაში დაიბადა. არის კლარა სთოერმერის და დევიდ კოულმანის ერთადერთი შვილი. მამის მხრიდან[2] მას ჰყავს 5 უფროსი ნახევარ და-ძმა. მამამისი აფრიკელ-ამერიკელია, ხოლო დედამისი ეთნიკური წარმომავლობით გერმანელი და შოტლანდიელია[3][2]. ზენდაია, როგორც შემსრულებელი, შექსპირის თეატრში, კალიფორნიაში აღიზარდა, სადაც დედამისი კლარა თეატრის მენეჯერი იყო. კოულმანმა თეატრის სტუდენტური კონსერვატორიის პროგრამაც გაიარა[4]. სანამ ოაკლენდის ხელოვნების სკოლაში სწავლობდა, რამდენიმე სასცენო სპეკტაკლში მიიღო მონაწილეობა[5], მათ შორისაა: „Once on This Island“ და „Caroline, or Change“.
8 წლის ასაკში გაწევრიანდა მოცეკვავეთა ჯგუფ „Future Shock Oakland“-ში, სადაც იგი სამი წლის[6][7][8] განმავლობაში სწავლობდა „ჰიპ-ჰოპს“ და „ჰულას“.
ზენდაია სწავლობდა ამერიკის თეატრის კონსერვატორიაში. სპექტაკლებში სადაც მას, მონაწილეობა აქვს მიღებული არის, უილიამ შექსპირის „რიჩარდ III“, „მეთორმეტე ღამე“ და „როგორც შენ მოგწონს“.[9]
პირადი ცხოვრება რედაქტირება
ახალგაზრდა მსახიობი ლოს-ანჯელესში[10] ცხოვრობს, მისი სახლის ღირებულება 1,4 მილიონ აშშ დოლარს შეადგენს. არის ვეგეტარიანი[11], სინგლების ჩაწერისა და ფილმებსა თუ სერიალებში მონაწილეობის გარდა, თავისუფალ დროს უთმობს ტანსაცმლების დიზაინისი შექმნასა და წიგნების წერას.
ფილმ „ადამიანი ობობა: დაბრუნება“-ზე მუშაობის დროს, ზენდაიამ ინგლისელი მსახიობი ტომ ჰოლანდი გაიცნო და დაუმეგობრდა, რასაც დიდი გამოხმაურება მოყვა სოციალურ მედიაში.
რესურსები ინტერნეტში რედაქტირება
- ზენდაია დაარქივებული 2020-02-24 საიტზე Wayback Machine.
სქოლიო რედაქტირება
- ↑ Phares, Heather. Zendaya Biography. AllMusic.com (Rovi). ციტირების თარიღი: June 8, 2016.
- ↑ 2.0 2.1 Kim, Kristen Yoonsoo. (December 2015) REAL GOOD - The multitalented teenager began her career as a Disney star. But don't expect Zendaya to have a Miley moment anytime soon.. Complex magazine (Canada).
- ↑ Takeda, Allison. (June 9, 2015) Zendaya Gets to the Heart of Her Family Tree for Immigrant Heritage Month. Us Weekly.
- ↑ Field, Genevieve. (February 6, 2016) The Unstoppable Zendaya.
- ↑ Cohen, Bethany. (June 13, 2014) Zendaya: A Rising Star.
- ↑ name Cover Girl Interview July 8, 2011 დაარქივებული November 10, 2013, საიტზე Wayback Machine.
- ↑ About Zendaya. დაარქივებულია ორიგინალიდან — March 19, 2011. ციტირების თარიღი: February 9, 2011.
- ↑ Zendaya's Flashback Friday (Video) (January 27, 2012). დაარქივებულია ორიგინალიდან — აგვისტო 8, 2016. ციტირების თარიღი: June 21, 2016.
- ↑ Sampson, Mike (March 2016). Singer Zendaya Lands Lead Role in Marvel's 'Spider-Man' Movie. Screen Crush.
- ↑ Halberg, Morgan. Zendaya's New Home (March 30, 2017). ციტირების თარიღი: August 7, 2017.
- ↑ Loria, Joe (December 13, 2016). Zendaya goes Vegetarian. დაარქივებულია ორიგინალიდან — სექტემბერი 15, 2017. ციტირების თარიღი: August 7, 2017.