ერთწლოვანი საკვები ბალახი

ერთწლოვანი საკვები ბალახი — მცენარეები, რომლებსაც იყენებენ ცხოველთა საკვებად. ცნობილია 60-ზე მეტი სახეობა. მარცვლოვნებიდან მოჰყავთ სუდანურა, ქვრიმა, ერთწლოვანი კოინდარი და სხვა. პარკოსნებიდან — ცერცველა, ცულისპირა, ბარდა და სხვ. ერთწლოვანი საკვები ბალახს თესავენ ან ძირითად კულტურად ან სხვა ძირითადი კულტურის მოსავლის აღების შემდეგ, როგორც შუალედურს, დამატებითი მოსავლის მისაღებად. იყენებენ მწვანე საკვებად, სილოსად, თივად და სხვა.

ლიტერატურა

• დალაქიშვილი მ., ქართული საბჭოთა ენციკლოპედია, ტ. 4, თბ., 1979. — გვ. 189.