დემეტრე II (აფხაზთა მეფე)
დემეტრე (დიმიტრი) II, (დ. დაახლოებით 825 — გ. 861) — აფხაზთა სამეფოს (დასავლეთ საქართველოს) მეფე,ლეონ II-ის ძე.
| დემეტრე II | |
|---|---|
| აფხაზთა მეფე | |
| მმართ. დასაწყისი: | 825 |
| მმართ. დასასრული: | 861 |
| წინამორბედი: | თეოდოს II |
| მემკვიდრე: | გიორგი I |
| გარდ. თარიღი: | 861 |
| შვილები: | ბაგრატი |
| მამა: | ლეონ II |
ენერგიულად იბრძოდა ახლად შექმნილი სამეფოს დამოუკიდებლობის დასაცავად. IX საუკუნის 40-იან წლებში არაერთხელ დაამარცხა დასაცლეთ საქართველოში შემოსული ბიზანტიელთა ლაშქარი. 853 წინ აღუდგა საქართველოში შემოჭრილ არაბთა სარდალს ბუღა თურქს. იგი შემდეგშიაც განაგრძობდა ბრძოლას ქართლიდან არაბთა განდევნისა და საქართველოს გაერთიანებისათვის.
დემეტრე II-ის საშინაო პოლიტიკის ერთ-ერთი მთავარი ამოცანა იყო აღმოსავლეთ საქართველოს ეკლესიის გავლენის განმტკიცება დასავლეთ საქართველოში. ამ მიზანს ემსახურებოდა მისი ხელშეწყობით IX საუკუნის I ნახევარში დასავლეთ საქართველოში გრიგოლ ხანძთელის მიერ ქართული მონასტრის დაარსებას.
ლიტერატურა
რედაქტირება- ანჩაბაძე ზ., ენციკლოპედია „საქართველო“, ტ. 2, თბ., 2012. — გვ. 375.
| წინამორბედი: თეოდოს II |
აფხაზეთის მეფე 825 - 861 |
შემდეგი: გიორგი I |