გიორგი I (აფხაზთა მეფე)

ტერმინს „გიორგი I“ აქვს სხვა მნიშვნელობებიც, იხილეთ გიორგი I.

გიორგი I, აღწეფელი — აფხაზთა (დასავლეთ საქართველოს) მეფე 861-868 წლებში; ლეონ II-ის ძე.

გამეფებამდე მისი საუფლისწულო მამული იყო აღწეფი. აქედან წარმოდგება ზედწოდება — აღწეფელი. თავისი წინამორბედებივით ცდილობდა დაუფლებოდა ქართლს, რაც დროებით შეძლო კიდეც და იქ, „მატიანე ქართლისას“ ცნობით, ერისთავად თავისი ძმისშვილი, დემეტრე II-ის ვაჟი, ბაგრატი დასვა.

ლიტერატურა

ანჩაბაძე ზ., ენციკლოპედია „საქართველო“, ტ. 2, თბ., 2012. — გვ. 17.
მატიანე ქართლისა, წგ.: ქართლის ცხოვრება, ს. ყაუხჩიშვილის გამოც., ტ. 1, თბ., 1955.
Анчабадзе З. В., Из истории средневековой Абхазии (VI–XVII вв.), Сух., 1959.

წინამორბედი: დემეტრე II	აფხაზეთის მეფე 861 - 868	შემდეგი: ივანე შავლიანი