დათო ტურაშვილი

დავით (დათო) ტურაშვილი (დ. 10 მაისი, 1966, თბილისი) — ქართველი მწერალი.

დათო ტურაშვილი
დაბადების თარიღი	10 მაისი, 1966(1966-05-10) (58 წლის)
დაბადების ადგილი	თბილისი, საქართველოს სსრ, სსრკ
საქმიანობა	მწერალი, უნივერსიტეტის პროფესორი, მთარგმნელი და სცენარისტი
მოქალაქეობა	სსრკ  საქართველო
ალმა-მატერი	თბილისის სახელმწიფო უნივერსიტეტი და ლონდონის უნივერსიტეტი
Magnum opus	ჯინსების თაობა
ჯილდოები	პრემია „საბა“
გავლენა მოახდინეს :::ერნესტ ჰემინგუეი და აკა მორჩილაძე
დათო ტურაშვილი ვიკისაწყობში

ბიოგრაფია

დათო ტურაშვილმა დაამთავრა თბილისის 57-ე საშუალო სკოლა. სწავლობდა თსუ-ის ფილოლოგიის ფაკულტეტზე. ლიტერატურის, კინოსა და ხელოვნების ისტორიას სწავლობდა თბილისის, ხოლო შემდეგ ლონდონისა და მადრიდის უნივერსიტეტებში, კინოდრამატურგიას — ერლომ ახვლედიანის სასცენარო სახელოსნოში.

იღებდა აქტიურ მონაწილეობას 1980-იანი წლების სტუდენტურ მოძრაობაში, როგორც უნივერსიტეტის პრეს-კლუბის აქტიური წევრი. იყო 1989 წელს დავითგარეჯის სამონასტრო კომპლექსში მოწყობილი სტუდენტური საპროტესტო აქციის ერთ-ერთი ხელმძღვანელი. ბოლო წლების განმავლობაში, მწერლობასთან ერთად, ეწეოდა პედაგოგიურ საქმიანობასაც — კითხულობდა ლექციების კურსს თბილისის სახელმწიფო უნივერსიტეტის ჰუმანიტარულ ფაკულტეტებზე.

შემოქმედება

დათო ტურაშვილის პირველი რომანი დაიბეჭდა 1988 წელს. მისი ყველაზე ცნობილი ნაწარმოებია „ჯინსების თაობა“, რომლის სცენური ვერსიის პრემიერა 2001 წლის მაისში გაიმართა თავისუფალ თეატრში. ტურაშვილის სხვა ნაწარმოებთა შორისაა „ნაცნობი და უცნობი ამერიკა“ (1993) და სამგზავრო წერილების კრებული „კატმანდუ“ (1998), ასევე მოთხრობათა ორი კრებული და კინოსცენარები. მისი მოთხრობათა პირველი კრებული „მერანი“ გამოიცა 1991 წელს.

გარდა სცენარებისა წერს რომანებს, მოთხრობებსა და პიესებს. ტურაშვილის პირველი პროზაული კრებული გამოქვეყნდა 1991 წელს. დღეისთვის გამოცემული აქვს 12 წიგნი. მისი მოთხრობები თარგმნილია 7 ენაზე და გამოქვეყნებულია სხვადასხვა ქვეყნის ლიტერატურულ პერიოდიკაში. ასევე არის ავტორი სამეცნიერო-კვლევითი წერილებისა ლიტერატურათმცოდნეობასა და ისტორიოგრაფიაში. თარგმნილი აქვს როგორც პროზაული, ასევე პოეტური ტექსტები რუსული, ინგლისური, ესპანური და თურქული ენებიდან.

ბიბლიოგრაფია

• „კატმანდუ“ (1998)
• „ტიბეტი არ არის შორს“ (2001)
• „ჩაძირული ქალაქის ღამე“ (2003)
• „შავი კეტები“ (2006)
• „გურჯი ხათუნი“ (2007)
• „ჯინსების თაობა“ (2008)
• „მეცამეტე“ (2009)
• „ამერიკული ზღაპრები“ (2010)
• „მე რომ ფეხბურთელი ვიყო“ (2011)
• „დოდოს მოლოდინში“ (2012)
• „იყო და არა იყო რა“ (2012)
• „ტყეების მეფე“ (2013)
• „სხვა ამსტერდამი“ (2014)
• „თავის უფალი ადამიანი“ (2020)

ჯილდოები

• 2003 - „საბა“ საუკეთესო პიესისთვის „ორი კუნძული შავ ზღვაში“.
• 2008 - „საბა“ საუკეთესო პიესისთვის „შავი კეტები“.

რესურსები ინტერნეტში

• დათო ტურაშვილის „ამერიკული ზღაპრები“
• დათო ტურაშვილის „მე რომ ფეხბურთელი ვიყო“ მიმოხილვა