დავითი (ტრაპიზონი)
დავით დიდი კომნენოსი (ბერძ. Δαβίδ Μέγας Κομνηνός; დ. დაახლ. 1408 — გ. 1 ნოემბერი, 1463) — ტრაპიზონის იმპერიის ოცდამეერთე, უკანასკნელი იმპერატორი 1459-1461 წწ. კომნენოსების დინასტიის წარმომადგენელი. იმპერატორ ალექსი IV-ისა და თეოდორა კანტაკუზენის შვილი. ტახტზე ავიდა თავისი ძმის იოანე IV-ის გარდაცვალების შემდეგ. თავისი მეფობის განმავლობაში რომის პაპის ეგიდით და ევროპელი და აზიელი მმართველების მონაწილეობით აყალიბებდა სამხედრო კოალიციას ოსმალეთის სულთან მეჰმედ II დამპყრობელის წინააღმდეგ.
| დავით დიდი კომნენოსი | |
|---|---|
| Δαβίδ Μέγας Κομνηνός | |
| ტრაპიზონის იმპერიის 21-ე იმპერატორი | |
| მმართ. დასაწყისი: | 1459 |
| მმართ. დასასრული: | 1461 |
| წინამორბედი: | იოანე IV |
| მემკვიდრე: | იმპერია გაუქმდა |
| პირადი ცხოვრება | |
| დაბ. თარიღი: | დაახლ. 1408 |
| დაბ. ადგილი: | ტრაპიზონი, ტრაპიზონის იმპერია |
| გარდ. თარიღი: | 1 ნოემბერი, 1463 |
| გარდ. ადგილი: | სტამბოლი, ოსმალეთის იმპერია |
| დინასტია: | კომნენოსები |
| მამა: | ალექსი IV |
| დედა: | თეოდორა კანტაკუზენი |
1461 წლის 26 ოქტომბერს სულთანმა ტრაპიზონი აიღო. დავით კომნენოსი დაატყვევეს და სტამბოლში წაიყვანეს. მიუხედავად სულთნის დიდი მცდელობისა არ მიიღო ისლამი, რის გამოც 1463 წლის 1 ნოემბერს თავის შვილებთან ერთად სიკვდილით დასაჯეს.
2013 წელს კონსტანტინოპოლის პატრიარქმა მოახდინა მისი კანონიზაცია[1].