გურამ ბახტაძე

გურამ ბახტაძე (დ. 22 იანვარი, 1961 — გ. 16 მარტი, 1993) — ქართველი სამხედრო პირი.

ბიოგრაფია

გურამ ბახტაძე დაიბადა სოფელი წებელდაში, გულრიფშის რაიონში. 1981 წელს დაამთავრა ხონის ტექნიკური სასწავლებელი. აფხაზეთში დაწყებული საომარი მოქმედებების დროს გურამ ბახტაძე ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე ბრიგადის მე-6 სატანკო ბატალიონის მე-4 ასეულში რიგით მებრძოლად. გურამ ბახტაძე აქტიურად მონაწილეობდა ბატალიონის მიერ წარმოებულ საბრძოლო ოპერაციებში, მდინარე გუმისთის მიმდებარედ. დაიღუპა 1993 წლის 16 მარტს, მე-6 ბატალიონის მე-4 ასეულის პოზიციაზე, მდინარე გუმისთის პირას, მტრის მიერ სოხუმზე განხორციელებული მორიგი შემოტევის დროს. საქართველოს ტერიტორიული მთლიანობისათვის მებრძოლი აფხაზეთის ომში.

ჯილდოები, პრემიები და პრიზები

• მედალი „საბრძოლო დამსახურებისთვის“ (გარდაცვალების შემდეგ).

ლიტერატურა

უკვდავება: საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2, საქართველოს ჟურნალისტთა ფედერაცია, საქართველოს თავდაცვის სამინისტრო, თბ., 2004, გვ. 72.

რესურსები ინტერნეტში

• გურამ ბახტაძე — საქართველოს ბიოგრაფიული ლექსიკონი