გულქან-ხათუნი
გულქან-ხათუნი ან იმპერატრიცა ევდოკია ქართველი (ბერძ. Ευδοκία της Γεωργίας; გ. 2 მაისი, 1395) — ტრაპიზონის კონსორტ-იმპერატრიცა, მანუელ III-ის პირველი მეუღლე, ქართველი მეფის დავით IX-ისა და სინდუხტარ ჯაყელის ასული, დედოფლად კურთხევის სახელია ევდოკია[1].
ბიოგრაფია
რედაქტირებაგულქანი დაიბადა საქართველოში, ქართველი მეფის დავით IX-ისა და სინდუხტარ ჯაყელის ოჯახში[2][3].
გულქანი პირველ ქორწინებაში იყო ალექსი III-ის უკანონო ვაჟის, ანდრონიკე კომნენოსის მეუღლე. 1376 წლის 14 მარტს ანდრონიკე მოკლეს. როგორც გვაწვდის Europäische Stammtafeln: Stammtafeln zur Geschichte der Europäischen Staaten (1978) ის კოშკიდან იყო ჩამოგდებული.[4]
1377 წლის 6 სექტემბერს გულქან-ხათუნი მანუელ III-ს გაჰყვა ცოლად. მანუელი ალექსი III-ისა და იმპერატრიცა თეოდორა კანტაკუნეზის უფროსი ძე იყო[1]. წყვილს ვაჟი ეყოლათ, რომელიც შემდეგ იმპერიას მართავდა ალექსი IV-ის სახელით.[5]
1390 წლის 20 მარტს გარდაიცვალა ალექსი III. ტახტზე ავიდა იმპერატორი მანუელ III და გულქანი, რომელიც კორონაციისას იმპერატრიცა ევოდკიას სახელად აკურთხეს. მისი დედოფლობა დიდხანს არ გაგრძელებულა, გულქან-ხათუნი 1395 წლის 2 მაისს გარდაიცვალა.[1]
ლიტერატურა
რედაქტირება- მიქაელ პანარეტოსი „ტრაპიზონის ქრონიკა“ XIV საუკუნე
სქოლიო
რედაქტირება- ↑ 1.0 1.1 1.2 ალექსი III-ის პროფილი (ინგლისური)
- ↑ ბაგრატიონთა სია, გვ. 3 დაარქივებული 2009-02-27 საიტზე Wayback Machine. (ინგლისური)
- ↑ ბაგრატიონთა გენეოლოგია. ისტორია.ჯე[მკვდარი ბმული]
- ↑ Detlev Schwennicke, Europäische Stammtafeln: Stammtafeln zur Geschichte der Europäischen Staaten (1978), ტომი 2, გვ. 176
- ↑ ალექსი IV-ის პროფილი (ინგლისური)