გოდფრი ბინაისა
გოდფრი ბინაისა (ინგლ. Godfrey Lukongwa Binaisa) (დ. 30 მაისი, 1920, ბუგანდა — გ. 5 აგვისტო, 2010, კამპალა, უგანდა) — უგანდის სახელმწიფო მოღვაწე. უგანდის პრეზიდენტი 1979-1980 წლებში.
| გოდფრი ბინაისა | |
| უგანდის პრეზიდენტი | |
|---|---|
| თანამდებობაზე ყოფნის დრო | |
| 20 ივნისი, 1979 – 12 მაისი, 1980 | |
| წინამორბედი | იუსუფ ლულე |
| მემკვიდრე | პაულო მუვანგა |
| დაბადებული | 30 მაისი, 1920 ბუგანდა |
| გარდაცვლილი | 5 აგვისტო, 2010 (90 წლის) კამპალა, უგანდა |
| პოლიტიკური პარტია | ეროვნულ-განმათავისუფლებელი ფრონტი |
სწავლობდა სამართალს ლონდონში, ინგლისის სამეფო კოლეჯში. სამშობლოში დაბრუნების შემდეგ გახდა ქვეყნის პირველი პროფესიონალი ადვოკატი. იყო უგანდის ეროვნული კონგრესის, ხოლო 1962 წლიდან უგანდის სახალხო კონგრესის წევრი. 1962-1968 წლებში დამოუკიდებელი უგანდის იუსტიციის მინისტრია. იდი ამინის ხელისუფლებაში მოსვლის შემდეგ 70-იან წლებში ემიგრაციაშია აშშ-ში და ეწევა საადვოკატო მოღვაწეობას. 1979 წელს დაბრუნდა სამშობლოში. 1979 წელს ტანზანიის გავლენით თანამდებობაზე შეცვალა ქვეყნის პრეზიდენტი იუსუფ ლულე. XX საუკუნის 80-90-იან წლებში ცხოვრობდა ნიუ-იორკში, სადაც საადვოკატო პრაქტიკა ჰქონდა.