გობისცხვირა
გობისცხვირა (ლათ. Prunella) — მცენარის გვარი ტუჩოსანთა ოჯახისა. მრავალწლოვანი დაბალი ბალახებია. აქვთ მოპირისპირედ განლაგებული მთლიანი ან დაკბილული, ზოგჯერ განკვეთილი ფოთლები, ჩხროებად შეკრებილი იისფერი, თეთრი ან მოყვითალო ყვავილები, რომლებიც თავის მხრივ კენწრულ თავთავისებრ ყვავილედად.
| გობისცხვირა | ||||||||||||||
|---|---|---|---|---|---|---|---|---|---|---|---|---|---|---|
 Prunella vulgaris | ||||||||||||||
| მეცნიერული კლასიფიკაცია | ||||||||||||||
| ||||||||||||||
| ლათინური სახელი | ||||||||||||||
| Prunella L., (1753) | ||||||||||||||
| ||||||||||||||
ევროპაში ველურად იზრდება გობისცხვირას 15 სახეობა. ყირიმსა და კავკასიაში — 3 სახეობაა; საქართველოშიც 3 სახეობა გვხვდება, რომლებიც ფართოდაა გავრცელებული. მათგან P. grandiflora მხოლოდ ქართლსა და აჭარაში იზრდება, ხოლო P. vulgaris და P. laciniata — თითქმის მთელ ქვეყანაში. პირველი გვხვდება ტყეებში და ტყის პირას, ბუჩქნარებში, სუბალპურ მდელოებზე, მდინარეთა ნაპირებზე და გზის პირას, ხოლო როგორც სარეველა – ნათესებში; მეორე იზრდება მდელოებზე, ტყის პირას. თაფლოვანი და სამკურნალო მცენარეა. იყენებენ ხალხურ მედიცინაში.
ლიტერატურა
რედაქტირება- გურგენიძე მ., ენციკლოპედია „საქართველო“, ტ. 2, თბ., 2012. — გვ. 55.
- ქართული საბჭოთა ენციკლოპედია, ტ. 3, თბ., 1978. — გვ. 195.