გიული ჩოხელი
გიული ჩოხელი (დ. 12 თებერვალი, 1935, თბილისი) — ქართველი მომღერალი, საბჭოთა კავშირში პირველი ჯაზ-მომღერალი ქალი, საქართველოს სსრ დამსახურებული არტისტი (1967)[1], ხელოვნების ქურუმის ჯილდოს მფლობელი (2015), თბილისის საპატიო მოქალაქე (2018).
| გიული ჩოხელი | |
|---|---|
 | |
| ბიოგრაფია | |
| დაბ. თარიღი | 12 თებერვალი, 1935 |
| დაბ. ადგილი | თბილისი |
| წარმოშობა | თბილისი, საქართველოს სსრ, სსრკ |
| ჟანრ(ებ)ი | ჯაზი |
| საქმიანობა | მომღერალი, მსახიობი |
| ინსტრუმენტ(ებ)ი | ვოკალი |
| აქტიური | 1955-დან |
| საიტი | giulichokheli.com |
ბიოგრაფია
რედაქტირებაგიული ჩოხელი დაიბადა 1935 წლის 12 თებერვალს, თბილისში. ჩოხელის სასიმღერო კარიერა 1950-იანი წლების შუაში დაიწყო. ის მალევე გახდა საბჭოთა კავშირის ერთ-ერთი წამყვანი ჯაზ-მომღერალი ქალი. მისმა პოპულარობამ პიკს 1960-იანი წლების მეორე ნახევარში მიაღწია სოპოტის პოპ-ფესტივალზე შთამბეჭდავი გამოსვლის შემდეგ. ფირფიტების ჩაწერა 1970-იან წლებში დაიწყო. მისი პირველი ნამუშევარი პოლონეთში ჩაიწერა და გამოიცა. 1970-80-იან წლებში ჩოხელმა საკმაოდ ბევრი ფირფიტა გამოსცა; ძირითადად ეს ფირფიტები იქამდე არსებული ჩანაწერების კომპილაციები იყო.
ჯილდოები
რედაქტირება2015 წლის 28 მარტს, თბილისის ივენთჰოლში გიული ჩოხელის საიუბილეო საღამო გაიამართა და მისი სახელობის ვარსკვლავი გაიხსნა.[2] იმავე დღეს საქართველოს კულტურისა და ძეგლთა დაცვის მინისტრმა მიხეილ გიორგაძემ ხელოვნებაში შეტანილი განსაკუთრებული წვლილისთვის გიული ჩოხელს სამინისტროს სპეციალური ჯილდო „ხელოვნების ქურუმი“ გადასცა.[3] 2018 წლის 7 ოქტომბერს, თბილისობის დღესასწაულთან დაკავშირებულ გალაკონცერტზე გაიმართა თბილისის საპატიო მოქალაქეების დაჯილდოების ცერემონია, სადაც 15 ცნობილ ადამიანთან ერთად, თბილისის მერმა კახი კალაძემ გიული ჩოხელი თბილისის საპატიო მოქალაქის წოდებით დააჯილდოვა.[4]
ფილმოგრაფია
რედაქტირება- 2014: „ეს იყო სიზმარი“;
- 1983: „ყვითელი ჩიტი“, სცენარის ავტორი;
- 1980: „მღერის გიული ჩოხელი“.
რესურსები ინტერნეტში
რედაქტირებასქოლიო
რედაქტირება- ↑ საქართველოს სსრ-ის უმაღლესი საბჭოს უწყებები. 1967. №11. გვ. 791
- ↑ გიული ჩოხელის საიუბილეო საღამო და ვარსკვლავის გახსნა. www.primetime.ge. ციტირების თარიღი: 8 აპრილი, 2019.[მკვდარი ბმული]
- ↑ გიული ჩოხელი ხელოვნების ქურუმია. artinfo.ge. ციტირების თარიღი: 8 აპრილი, 2019.
- ↑ გიული ჩოხელი - თბილისის საპატიო მოქალაქე. tbsakrebulo.gov.ge. ციტირების თარიღი: 8 აპრილი, 2019.