ბორჯომის ჰიდროელექტროსადგური
ბორჯომის ჰიდროელექტროსადგური — ერთ-ერთი პირველი ჰიდროელექტროსადგური საქართველოში და რუსეთის იმპერიაში, სანქტ-პეტერბურგისა და ახალი ათონის ჰიდროელექტროსადგურების შემდეგ.
| ბორჯომის ჰიდროელექტროსადგური | |
|---|---|
 ბორჯომის ჰესი (რეაბილიტაციის პროცესში, 2024) | |
|
| |
| ზოგადი ინფორმაცია | |
| შენობის ტიპი | ჰიდროელექტროსადგური |
| ქვეყანა |
 საქართველო |
| მდებარეობა | ბორჯომი |
| დასრულდა | 1899 |
.svg)
ისტორია
რედაქტირებააგებულია მდინარე ბორჯომულაზე. ამუშავდა 1899 წლის 15 იანვარს. ბორჯომის ჰიდროელექტროსადგურის საერთო სიმძლავრე 60 კვტ-ს შეადგენდა. ელექტროსადგურში მუშაობდა პელტონის ტიპის ორი გენერატორი, თითოეული 70 ცხენის ძალის სიმძლავრისა. 1950 წელს ბორჯომის ჰიდროელექტროსადგურმა შეწყვიტა ელექტროენერგიის გამომუშავება.
ჰიდროელექტროსადგურის შენობა მდებარეობს ბორჯომის ცენტრალური (ისტორიული) პარკის ტერიტორიაზე და მინიჭებული აქვს კულტურული მემკვიდრეობის უძრავი ძეგლის სტატუსი (2020).[1] შენობა 1898–99 წლებშია აგებული გერმანელი არქიტექტორის ფრიდრიხ მონდელ ჰაურის პროექტით. 1990-იან წლებში შენობა გაიძარცვა და მნიშვნელოვნად დაზიანდა.
2020 წლიდან საქართველოს ეკონომიკისა და მდგრადი განვითარების სამინისტროს, კულტურული მემკვიდრეობის დაცვის ეროვნული სააგენტოს და სს „საქართველოს ენერგეტიკის განვითარების ფონდის“ თანამშრომლობის საფუძველზე დაიწყო ჰიდროელექტროსადგურის ისტორიული შენობა-ნაგებობების რეაბილიტაცია მათში ტექნოლოგიური მუზეუმის განთავსების მიზნით.[2][3][4]
ლიტერატურა
რედაქტირება- ქართული საბჭოთა ენციკლოპედია, ტ. 2, თბ., 1977. — გვ. 480.
იხილეთ აგრეთვე
რედაქტირებარესურსები ინტერნეტში
რედაქტირებასქოლიო
რედაქტირება- ↑ საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის ბრძანება №02/43. 2020 წლის 9 ივლისი.
- ↑ ბორჯომის პარკში მდებარე ჰიდროელექტროსადგურის რეაბილიტაცია. საქართველოს კულტურული მემკვიდრეობის დაცვის ეროვნული სააგენტო. 27 მაისი, 2020.
- ↑ ბორჯომის ჰიდროელექტროსადგურის მუზეუმის პროექტი
- ↑ Museum and Functional Generator - Historic Borjomi HPP will be Restored