თამარ ბაქრაძე
თამარ ივანეს ასული ბაქრაძე (დ. 29 დეკემბერი, 1907, სოფელი ხაშმი, ახლანდელი საგარეჯოს მუნიციპალიტეტი ― გ. 18 ივნისი, 1995, თბილისი) — ქართველი მსახიობი, საქართველოს სსრ-ის სახალხო არტისტი (1967).
| თამარ ბაქრაძე | |
|---|---|
| დაბადების სახელი | თამარ ბაქრაძე |
| დაბადების თარიღი |
29 დეკემბერი, 1907 ხაშმი, საგარეჯოს მუნიციპალიტეტი |
| გარდაცვალების თარიღი |
18 ივნისი, 1995 (87 წლის) თბილისი |
| საქმიანობა | მსახიობი |
ბიოგრაფია
რედაქტირებადაამთავრა თსუ ისტორიის ფაკულტეტი და თბილისის რუსთაველის თეატრთან არსებული დრამატული სტუდია (ორივე 1930 წელს); 1930–1967 წლებში რუსთაველის სახელობის დრამატული თეატრის მსახიობია. შესრულებული აქვს როლები: ამალია (ფრიდრიხ შილერის „ყაჩაღები“), ლიდია კოვალი (ალექსანდრე კორნეიჩუკის „პლატონ კრეჩეტი“), ემილია (უილიამ შექსპირის „ოტელო“), კრუჩინინა (ალექსანდრე ოსტროვსკის „უდანაშაულო დამნაშავენი“), კნეინა ჩიტუნია (შალვა დადიანის „გუშინდელი“), ქეთევან დედოფალი (სანდრო შანშიაშვილის „გიორგი სააკაძე“), ზეინაბი (ალექსანდრე სუმბათაშვილ-იუჟინის „ღალატი“), ოთარაანთ ქვრივი (ილია ჭავჭავაძის მოთხრობის მიხედვით), სანათა (მიხეილ მრევლიშვილის „ზვავი“), გერტრუდა (უილიამ შექსპირის „ჰამლეტი“) და სხვა. 1963 წლიდან ეწევა პედაგოგიურ მოღვაწეობას.
დაჯილდოებულია „საპატიო ნიშნის“ ორდენითა და მედლებით.
ფილმოგრაფია
რედაქტირება- 1926: „შირვანსკაიას დანაშაული“ (ოფიცერ მირორნოვის ცოლი) რეჟ. ივანე პერესტიანი
- 1956: „ჩრდილი გზაზე“ (მაგდანა) რეჟ. დავით რონდელი
- 1961: „ენგურის ნაპირებზე“ რეჟ. დავით რონდელი
ლიტერატურა
რედაქტირება- იაშვილი ტ., ქართული საბჭოთა ენციკლოპედია, ტ. 2, თბ., 1977. — გვ. 241.
- გვერნცაძე ა., ენციკლოპედია „საქართველო“, ტ. 1, თბ., 1997. — გვ. 375.