ბატეთის ტბა
ტბა საქართველოში, შიდა ქართლის მხარეში
ბატეთის ტბა — მეწყრული წარმოშობის ტბა საქართველოში, ქარელის მუნიციპალიტეტში.[1] მდებარეობს თრიალეთის ქედის ჩრდილოეთ კალთაზე, მდინარე ძამის აუზში, ბატეთისწყლის ხეობაში, ზღვის დონიდან 1313 მ სიმაღლეზე. ზედაპირის ფართობი 0,02 კმ², აუზის ფართობი 5 კმ², საშუალო სიღრმე 7 მ, მაქსიმალური სიღრმე 12 მ.[2][3] მეწყერი, რომელმაც ტბა წარმოშვა, სამხრეთიდანაა ჩამოწოლილი. ვრცელი ნაპირი არ გააჩნია. გარშემორტყმულია წიწვნარ-წიფლნარი ტყით შემოსილი ფერდობებით. წყალი გამჭვირვალეა და მტკნარი. ტბიდან გამოდის ნაკადული. ტბის სამხრეთ ნაპირი დაჭაობებულია. დეკემბრიდან მარტამდე ყინულითაა დაფარული. ბატეთის ტბაში ბინადრობს საქართველოს წითელ წიგნში შესული მცირეაზიური ტრიტონი.[4] წითელი წიგნის მონაცემებით ტბაში კალმახიც გვხვდება.[5]
| ბატეთის ტბა | |
|---|---|
 ბატეთის ტბა | |
| კოორდინატები: 41°53′47″ ჩ. გ. 43°46′03″ ა. გ. / 41.896417° ჩ. გ. 43.767639° ა. გ. | |
| მდებარეობა |  საქართველო
|
| ტერიტორიული ერთეული | ქარელის მუნიციპალიტეტი (შიდა ქართლის მხარე) |
| სიმაღლე ზღვის დონიდან | 1313 მ |
| ფართობი | 0,02 კმ² |
| საშუალო სიღრმე | 7 მ |
| მაქსიმალური სიღრმე | 12 მ |
| აუზის ფართობი | 5 კმ² |
  | |
 | |
 მედიაფაილები ვიკისაწყობში
| |
გალერეა
რედაქტირება
სქოლიო
რედაქტირება- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 32.
- ↑ აფხაზავა ი., ენციკლოპედია „საქართველო“, ტ. 1, თბ., 1997. — გვ. 367.
- ↑ Апхазава И. С. Озера Грузии. Тбилиси: Мецниереба, 1975. 181 с.
- ↑ „გაიცანი საქართველო“ შიდა ქართლი
- ↑ საქართველოს სსრ წითელი წიგნი, „საბჭოთა საქართველო“, გვ. 217, წ. 1982.